Yohana 15:1 - Testamente Ledrimpswha ni Mapsalma

¹ Hi mine nsinya lowu wunene wa vhinya; Tatana wanga i mudrimi.

Yohana 15:1 Referans Kwoze

I Kor 3:9

hikuva hine hi vapfuneteli antirweni wa Xikwembu Nkulukumba, n'wine n'wi nsimu ya vudrimu ya Xikwembu Nkulukumba, n'wi yindlu ya Xikwembu Nkulukumba.

Yohana 6:55

Hikusa a miri yanga i swakuda ha kunene, ni ngati yanga i swakunwa ha kunene.

I Yhn 2:8

Nakone ni n'witralela nawu lowu wumpswha, lowu wunga xihlayelamfuri ku Kriste ni le ku n'wine, hikusa a munyama wuhundrile, alivaningo dra xihlayelamfuri dra vaninga kutani.

Marka 12:1

Yesu asunguli kukhanela ku vhanu hi swifaniso aku: A mhunu afa abyali livhinya, adribiyela hi linhlampfu, akela ni xipfuvelo, ayaka ni xihondro. Kutani adrisiyela a vadrimi, yene ayendra.

Mt 21:33

Yingelani xifaniso xin'wana: Afa kuni mhunu, wa n'winyi wa muti, afaka abyali livhinya; abiyela hi linhlampfu, akela ni khele dra kupfuvela mihandru, ava ayaka ni xihondro kone; abeka livhinya amandleni ya vadrimi, kutani ayendra.

Yohana 6:32

Yesu avabyela aku: Nihlayelamfuri, nili ku n'wine: Moxe angan'winyikanga kati ledri drihumaka Tilweni, kambe Tatana wanga an'winyika kati ledri drihumaka Tilweni, ledri dringa drone.

Lk 13:6

Yesu a yengesa avabyela xifaniso lexi: A mhunu afa ani nkuwa lowu wusimekiwiki alivhinyeni drakwe. Ata, atatadjula mihandru ku wone, angamikumi.

Mt 20:1

Hikuva a Mfumu wa Matilo wufana ni n'winyi wa yindlu, lweyi ahumiki ampundrwini ayathola vatiri vaya ansin'wini yake ya vhinya.

Yohana 1:9

A livaningo dra xihlayelamfuri, ledri drivaningelaka vhanu hinkwavu, dritile amisaveni. Ledri drivaningelaka vhanu hinkwavu, dritile amisaveni

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Mt 15:13

Kambe Yene ayangula aku ku vone: A ximilwa xini ni xini lexi Tatana wanga wa le Matilweni angaxibyalangakiki, xitatruvuliwa.

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Rm 11:17

Loko tinkambu tin'wana tiphatluliwile, kambe wene leswi unga nhlwari, utlhomiwa ansinyeni avutrham'wini bya tone; hikolahu utlhanganisiwi ni mutru uva ukuma ni nhome ya nhlwari lowu wa lisima;