Yohana 14:30 - Testamente Ledrimpswha ni Mapsalma

³⁰ Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 14:30 Referans Kwoze

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

I Ptr 2:22

Yene lweyi angayentxangakiki xidoho, mfuri akukumiwanga vukanganyisi anon'wini wakwe;

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.

Lk 22:53

Afa nina n'wine masiku hinkwawu andlwini ya Hosi, an'wanikhomanga. Swakuva leswi a nkama lowu wunga wo wenu, ni ntamu wa munyama!

Va-le-Kolosa 1:13

Yene ahihuluxile antan'wini wa munyama, ahirurisela Mfun'wini wa N'wana wakwe lweyi wa kurandriwa.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Mintiro Ya Vapostola 1:3

vanga lava, a ntrhaku ka kuxaniseka kwake, angatikombekisa ku vone na ahanya, avanyika ni swikholwiso swinyingi hi kutivonekisa ku vone, hi masiku ya mune wa makume (40) na avabyela swa Mfumu wa Xikwembu Nkulukumba.

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

I Ptr 1:19

kambe hi ngati ya lisima drikulu ya Xihambana lexi xingalikina vulema kumbe bati dra nandru, anga Kriste,

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.