Yohana 14:23 - Testamente Ledrimpswha ni Mapsalma

²³ Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 14:23 Referans Kwoze

Yohana 14:21

Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.

Yohana 14:15

Loko n'winirandra, n'witabekisa milawu yanga.

I Yhn 2:24

Kolahu aswitrhami ku n'wine leswi n'wiswiyingeliki kehe kusunguleni. Loko switrhama ku n'wine leswi n'wiswiyingeliki kusukela kusunguleni, kutani n'wine n'witatrhama ku n'wana ni le kutatana.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

Yohana 10:30

Mine na Tatana hi mun'we.

Yohana 6:56

Lweyi adaka miri yanga ni kunwa ngati yanga, atrhama ku mine, na mine nitrhama ku yene.

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Mpfuletelo 21:22

Ku wone anivonanga Tempele, hikusa a Tempele dra wone hi Hosi, Xikwembu Nkulukumba wa ntamu hinkwawu ni Hambana.

Mpfuletelo 22:3

Kungahativa ni kurukiwa ni kan'we ku wone, Kutani kone Kutava ni xiluvelo xa Xikwembu Nkulukumba ni xa Hambana, kutani a malandra yake matamutirela.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Yohana 14:24

Lweyi anganirandrikiki, angabekisi maritu yanga; kutani a ritu ledri n'widriyingelaka, ahidranga, kambe i dra Tatana lweyi anirumiki.

Yohana 15:10

Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

I Yhn 2:5

Kambe lweyi a bekisaka ritu drakwe, a lirandru dra Xikwembu Nkulukumba drihetisekile ku yene; hilaha hiswitivaka ha kone leswaku hi le ku Yene.

I Yhn 5:3

Hikusa leswo hi drone lirandru dra Xikwembu Nkulukumba leswaku hibekisa a swileleto swake. Kutani a swileleto swake aswibindri,

II Yhn 1:6

Kutani a lirandru hi ledri: hileswaku hi famba hi swileleto swake. A leleto ledri, swanga hi leswi n'wingaswiyingela kusukela kusunguleni, hileswaku fambani alirandrwini droledro.

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.