Yohana 14:20 - Testamente Ledrimpswha ni Mapsalma

²⁰ Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 14:20 Referans Kwoze

Yohana 17:26

Nivativisi vito draku, nahatavativisa, akuva lirandru ledri unirandriki ha drone, driva ku vone, na mine niva ku vone.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

I Yhn 4:12

Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.

Yohana 14:10

Xana awupfumeli leswaku ni le ku Tatana, ni leswaku Tatana ale ku mine xana? Leswi nin'wibyelaka swone, aniswihlayi ha vuswanga. Tatana lweyi anga ku mine hi yene atiraka mintiro.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Yohana 10:38

Kambe loko nitira mintiro ya Tatana, nambi n'wingapfumeli ku mine, pfumelani mintiro, n'witayingelisisa ni kutiva leswaku Tatana ale ku mine, na mine ni le ku Tatana.

II Kor 13:5

Tikambani lipfalwini kutani n'wivona leswaku mehe kupfumeleni, tiyanakanyani; kumbe an'wiswitivi leswaku Yesu Kriste ale ku n'wine? Kambe loko swinge tanu, an'wina kuyamukeliwa!

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Yohana 16:26

Asikwini ledro n'witakombela hi vito dranga; kambe anin'wibyeli leswaku nitakhongota Tatana hinkonta yenu;

Va-le-Kolosa 2:9

Hikusa Xikwembu Nkulukumba akone hi kuhetiseka ku Kriste, hi Xivumbeko xa miri,

Va-le-Kolosa 1:19

Hikusa avi kurandra ka Xikwembu Nkulukumba leswaku akuhetiseka hinkwaku kutrhama ku Yene,

Yohana 6:56

Lweyi adaka miri yanga ni kunwa ngati yanga, atrhama ku mine, na mine nitrhama ku yene.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Yohana 17:11

A nehe misaveni, kasi vone vahali lani misaveni; mine niya ku wene. Tatana wa kuxwenga vabekise avitweni draku lava unihananiki vone akuva vava mun'we swanga ha hine.

Yohana 16:23

Hi siku ledro, n'winganivutisi ntxhumu. Nihlayelamfuri nili ku n'wine: Hinkwaswu leswi n'witakakombela ku Tatana hi vito dranga atan'winyika.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Yohana 17:7

Swoswi vaswitivile leswaku hinkwaswu leswi uninyikiki swone, swihuma ku wene.

II Kor 12:2

Nitiva mhunu lweyi anga ku Kriste, hi mpfhuka wa khume dra malembe ni mune, lweyi atekeliwiki tilweni dra vuraru; (Kumbe ahandle, kumbe andreni ka miri, aniswitivi, switiviwa hi Xikwembu Nkulukumba)

II Kor 5:19

Xileswo, Xikwembu Nkulukumba afa ali ku Kriste, atibuyelelisi ni vhanu, na angalondrisi swihono swavu, kutani ahirwexi kutivisa ntiro wa kubuyelelana.

Rm 16:7

Drungulani Andriniko na Juniya, a maxaka yanga, vabohiwakulori. Vatibyiwa ngopfu makari ka varumiwa lava dumbekiki ku Kriste varangela mine.

Yohana 14:11

Nipfumelani leswaku ni le ku Tatana, na yene Tatana a le ku mine; loko n'winganipfumeli, pfumelani hikola ka mintiro.