Yohana 13:8 - Testamente Ledrimpswha ni Mapsalma

⁸ Petrosi aku ku yene: Anha ungahlampswi a minenge yanga, ni siku ni drin'we! Yesu amuyangula, aku: Loko ningakuhlampswi, awuna kuyaveliwa txhumu na mine.

Yohana 13:8 Referans Kwoze

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Mintiro Ya Vapostola 22:16

Kutani swoswi waharindrela yini? Sekeleka, ubabatisiwa, uhlampswiwa a swidoho swaku na uvitana a vito drakwe.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Ef 5:26

Ayentxi leswo akuva adrihlawulekisa ni kudri basisa hi mati ni hi ritu drakwe,

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Va-le-Kolosa 2:23

A mintxhumu leyo mini mavonekela ya vutlhari, hikusa swi mi kombisa xiyimu xa vukhongoti kutitrongahateni, ni le kudreleni ka ntshima ya miri. Kambe leswo aswina lisima ni drin'we, ntsena switirela kutrhavisa kurandra.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Mt 26:33

Kambe Petrosi aku ku yene: Nambi loko hinkwavu vatakhunguvanyeka ha wene, mine ningatikutrika.

Mt 21:29

Kambe yene ayangula aku: Nayala! Ntrhaku atilaya, afamba.

Mt 26:35

Petrosi aku ku yene: Nambi swingafanela kufa na wene, ningaka ningakulandruli. Hinkwavu a vadondrisiwa vahlaya swoleswo.

Mt 16:22

Kolahu Petrosi amutekela tlhelweni asungula kumutshinya aku: Xikwembu Nkulukumba a akuhuluxe ku leswo, we HOSI! A mhaka ya kufana ni leyo yingatxhuki yihumelela ku wene.

Yohana 13:6

Atrhindrekela Simoni Petrosi; kutani Petrosi aku ku yene: Hosi, udjula kunihlampswa minenge, xana?

Yohana 13:9

Simoni Petrosi aku ku yene: Hosi mingavi minenge ntsena, kambe ni mavoko ni nhloko!