Yohana 13:13 - Testamente Ledrimpswha ni Mapsalma

¹³ N'winihlaya Mudondrisi ni Hosi. N'wihlayelamfuri, hikusa ni Yene.

Yohana 13:13 Referans Kwoze

Lk 6:46

N'winihlayela yini: Hosi! Hosi! Na n'wingayentxi leswi nihlayaka swone?

Va-le-Filipiya 2:11

akuva a tindrimi hinkwatu titahlaya leswaku: Yesu Kriste i Hosi, akutwaliseni ka Xikwembu Nkulukumba Tatana!

I Kor 12:3

Hileswo-ke nan'witivisa leswaku akuna mhunu lweyi avulavulaka hi Moya wa Xikwembu Nkulukumba, angahlayaka leswaku: Yesu i murukiwa. Nakone akuna mhunu lweyi anga kotaka kuhlaya leswaku: Yesu i Hosi, loko kungali hi Moya wa Kuxwenga.

Yohana 11:28

Loko Marta ahlayi leswo, afamba aya vitana Maria makwavu, hi xihundla, aku: A Mudondrisi akola, awakuvitana.

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

I Kor 8:6

Kambe ku hine kuni Xikwembu Nkulukumba mun'we ntsena, Tatana, lweyi hinkwaswu swinga swake, na hine mfuri hinga ku Yene; ni Hosi yin'we ntsena, Yesu Kriste, lweyi a mintxhumu hinkwayu minga kone ha Yene, na hine mfuri hinga kone hikola kwake.

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

Lk 10:28

Yesu aku ku yene: Uyanguli swone. Yentxa swoleswo, utahanya.

Lk 7:43

Simoni ayangula aku: Nipimisa leswaku hi lweyi adrivaleliwiki nandru lowu wukulu. Yesu aku ku yene: Uhlayelamfuri.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Yohana 11:2

Maria, hi lweyi angasama atota Hosi hi mafura lawa ya kunun'hwela, ava amusula minenge hi misisi yake.

Yohana 11:3

A vamakwavu lavo va vavasati, varumela ritu ku Yesu, vaku ku yene: Hosi, lweyi umurandraka awavabya.

Ef 6:9

Na n'wine vinyi, yentxani swoswo ku vone, n'wingavahaleli kuvaxanisa, tivani leswaku a Hosi leyi yinga Matilweni, i yin'we ku n'wine ni ku vone, Yone ayihlawule vhanu.