Yohana 12:48 - Testamente Ledrimpswha ni Mapsalma

⁴⁸ Lweyi anifularelaka, ava angayamukeli maritu yanga, ani lweyi amuyavanyisaka; a maritu lawa nimahlayaka hi wone matakamuyavanyisa hi siku dra vugamu.

Yohana 12:48 Referans Kwoze

Lk 10:16

Ntrhaku abyela a vadondrisiwa aku: Lweyi an'wiyingelaka, awa niyingela; nangweso lweyi an'widrelaka, awanidrela; mfuri lweyi anidrelaka adrela lweyi anirumiki.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Yohana 11:24

Marta aku ku yene: Naswitiva leswaku atapfuka hi siku dra vugamu, akupfukeni ka vafi.

Va-Heberu 12:25

Tivonelani, n'wingatriki kuyingiseta lweyi a vulavulaka na n'wine! Hikusa loko vanga hulukanga lava yaliki kuyingela lweyi angava tivisa halenu misaveni, ngopfu-ngopfu hine loko hi fularela lweyi ahi mamuleliki na ali Matilweni.

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Yohana 5:45

N'wingayanakanyi leswaku hi mine nitakava murambeli wenu amahlweni ka Tatana. Lweyi atakan'wirambela hi Moxe, yelweyi n'wibekiki kudumba kwenu ku yene.

Mt 21:42

Kutani Yesu aku ku vone: Xana an'wingihlaya a Matralwa lawa maliki: A ribye ledri a vayaki vadridreliki, hi drone dringayentxiwa ribye ledri dra kusungula dra hoka. Swayentxiwi hi HOSI, na kone hi leswi swihlamalisaka amahlweni yeru!

II Kor 4:3

Kambe loko Ivangeli yeru yaha fihliwile, yifihlekile ku lava valahlekaka.

Lk 20:17

Yesu atiki awavapondrolela, aku ku vone: Xake, dridjula kuhlaya yini a tralwa ledri dringe: A ribye ledri a vayaki vangadridrela, hi drone ledringayentxiwa ledri dra kusungula dra songo?

Lk 17:25

Kambe swifanekeli aranga atwisiwa kuvaviseka loku kukulu, ava adreliwa hi vhanu va nkama lowu.

Lk 9:26

Lweyi atakavani tingana ha mine ni hi maritu yanga, na yene N'wana wa Mhunu atava ni tingana ha yene, loko atabuya hi kuphatima kwake ni kuphatima ka Tatana wakwe, ni ka tintrumi ta kuhlawuleka.

Lk 9:22

Aku ku vone: N'wana wa mhunu atatwisiwa kuvaviseka ngopfu, adreliwa hi vakulukumba ni vaprista lava vakulu ni vadondrisi va Nawu. Vatamudlaya, kambe atapfuka hi siku dra vuraru.

Lk 7:30

Kambe a vafarisi ni vadondrisi va Nawu vadreli kurandra ka Xikwembu Nkulukumba hikuva vangadjuli kubabatisiwa ha Yohana.

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Marka 12:10

Xana an'wihlayanga a Tralwa ledri driliki: A ribye ledri a vayaki vadridreliki, hi drone driyentxiwaka dra kusungula dra hoka.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mintiro Ya Vapostola 3:23

Kambe lweyo ni lweyo angatikiyingela muprofeta yelweyo, atasuvisiwa atikweni amakari ka xitrhungu.

Marka 8:31

Kolanu, asunguli kudondrisa a vadondrisiwa vakwe leswaku swifanekeli a N'wana wa Mhunu atwisiwa kuvaviseka loku kulu, ni kutxukumetiwa hi vakulu va tiko ni vaprista lava vakulu ni vadondrisi va Nawu, ava adlawa, atlhela apfuka kufeni loko kuhundri masiku mararu.

Mt 10:15

Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Yohana 6:39

Kutani akurandra ka lweyi anirumiki hi loku; hileswaku ningalahli ni mun'we wa hinkwavu lava aninyikiki vone, kambe nivapfuxa ku lifu vaya vuton'wini hi siku dra vugamu.

Yohana 8:47

Lweyi apfaka ku Xikwembu Nkulukumba ayingela maritu ya Xikwembu Nkulukumba. Leswi swiyentxaka leswaku n'wingayingeli, hileswaku an'wi va Xikwembu Nkulukumba.

Mintiro Ya Vapostola 17:31

hikusa Xikwembu Nkulukumba abeki siku ledri atakayavanyisa misava hi kululama, hi wanuna lweyi angamubekela swone, ava amuhambela vumboni amahlweni ka hinkwavu hi kumupfuxa kufeni.

Va-Heberu 4:12

Hikusa a ritu dra Xikwembu Nkulukumba dra hanya, dri ni ntamu, dra kariha kutlula lipanga ledri drilotiwiki hi matlhelo mabiri. Drinhingena ndreni kuyatlhasa lana driyavanyisaka a hika ni moya, ni kutlhangana ka marambu ni mongo, na kone draswikota kuyavanyisa miyanakanyu ni makungu ya mbilu.

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

II Ptr 3:7

Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.