Yohana 12:23 - Testamente Ledrimpswha ni Mapsalma

²³ Yesu avayangula, aku: Ankama wutlhasile lowu N'wana wa Mhunu ataka twalisiwa ha wone.

Yohana 12:23 Referans Kwoze

Marka 14:41

Loko atlheleli ku vone hi dra vuraru, aku ku vone: N'wahakhutriyela ni kuwisa? Swadringana! A nkama wutlhasile, lowu a N'wana wa Mhunu atakanyiketiwa ha wone a mavokweni ya vadohi.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Yohana 12:16

A vadondrisiwa vakwe avayingelisisanga mhaka leyi akusunguleni. Kambe loko Yesu atlakuxiwile, hi kone vangadrimuka leswaku a mhaka leyi afa yitraliwi ku Matralwa ya Kuhlawuleka hikola kwake, ni leswaku swiyentxekile ha kunene.

Mt 26:45

Kutani atlhelela ku vadondrisiwa aku ku vone: N'wahayetlela ni swoswi, n'wiwisa! Vonani, wutlhasile a nkama lowu a N'wana wa Mhunu atakanyiketiwa amavokweni ya vadohi.

Marka 14:35

Aya mahlweninyana, akinsama, akombela ngopfu ku Xikwembu Nkulukumba leswaku loko swingakoteka, angamuhuluxa ku nkama wa nhlomulo.

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.