Yohana 11:55 - Testamente Ledrimpswha ni Mapsalma

⁵⁵ Afa nkhuvu wa Paska dra va-Yuda wu kusuhi; kutani lava vanyingi vapfa tikweni hinkwadru vantlhantukela Yerusalema vaya tibasisa na Paska dringasangana tlhasa.

Yohana 11:55 Referans Kwoze

Yohana 12:1

Loko kahasali masiku ya ntlhanu na drin'we na nkhuvu wa Paska wungasangana tlhasa, Yesu aya Betaniya, laha afaka kutrhama Lazaro lweyi Yesu angamupfuxa kufeni.

Yohana 6:4

A nkhuvu wa Paska dra va-Yuda afa wuli kusuhi.

Yohana 2:13

A nkhuvu wa Paska dra va-Yuda afa wu kusuhi, kutani Yesu antlhantukela Yerusalema.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.

I Kor 11:28

Kambe a mhunu atikambe ha vuswake, xileswo ade a kati ava anwa a ntrheko.

Mintiro Ya Vapostola 24:18

Avi nkameni wolowo vanikumiki na nitibasisile a Tempeleni, na ningena xitrhungu, mfuri ningena pongwe.

Yohana 18:28

Kutani vasuka na Yesu ku Kayafasi, vamuyisa ndlwini ya vufumi. Afa wehe mpundru swinene. Vone avanhingenanga ndlwini ya vufumi, akuva vangatitinyamisa, vatakota kuda Paska.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.

Yohana 5:1

Antrhaku ka leswo, kuvani nkhuvu wa va-Yuda, kutani Yesu antlhantukela Yerusalema.

Yohana 2:6

Afa kuni tihotro ta ribye ta ntlhanu ni yin'we leti va-Yuda afaka vatitirisela kuhlamba mandla hi xitoloveto xa vukhongoti byavu. Yin'wana ni yin'wana afa yiteka dzana dra mimpimu ya mati.

Marka 14:1

Afa kusali ntsena masiku mabiri akuva Paska ni nkhuvu wa makati lawa mangekena handrelo swiva kone. A vaprista lava vakulu ni vadondrisi va Nawu afa vadjula a rengu dra ku khoma Yesu, akuva vamudlaya.

Mt 26:1

Kuti loko Yesu aheti kuhlaya a maritu lowo, abyela vadondrisiwa vakwe aku:

Mt 26:2

N'waswitiva leswaku ntrhaku ka masiku mabiri a Paska dritava kone, kutani a N'wana wa Mhunu atanyiketiwa akuva avambiwa.

Lk 22:1

A nkhuvu wa makati lawa mangekena handrelo, lowu wuhlayiwaka Paska, afa wu kusuhi.

Mintiro Ya Vapostola 21:24

Vateki, utibasisa kun'we na vone, uvahakelela vabyevula a tinhloko; vataswitiva hinkwavu leswaku akuna ntxhumu ku leswi vabyeliwiki swone hi tlhelo draku, ni leswaku na wene wahalandra a Nawu (wa Moxe).

Mintiro Ya Vapostola 21:26

Mundruku ka kone, Pawulosi ateka a vavanuna lavo va mune atibasisa kun'we na vone anhingena Tempeleni, akuva ativisa a kuhela ka masiku ya kutibasisa, ni kuyimela a kuhumexa a mhamba ya mun'wana-ni-mun'wana ku vone.