Yohana 11:52 - Testamente Ledrimpswha ni Mapsalma

⁵² Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Yohana 11:52 Referans Kwoze

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Ptr 1:1

Mine Petrosi, mupostola wa Yesu Kriste, ku vahlawuliwa, valuveli lava vahangalakiki Ponto, ni le Galatiya, ni le Kapadokiya, ni le Aziya, ni le Bitiniya;

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Rm 3:29

Nakone mfuri Xikwembu Nkulukumba angava ntsena wa va-Yuda xana? Xana ahi wa va-Matiko kone xana? Kunene, i wa va-Matiko na kone,

Lk 2:32

Yene i livaningo drodritaka vaninga matiko, ni kutwala ka tiko drakwe dra Israyele.

Yakobe 1:1

Yakobe, nandra wa Xikwembu Nkulukumba ni wa Hosi Yesu Kriste, ni losa a tinxaka leti ta khume na tibiri tihangalakiki misaveni.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

Rm 4:17

swanga hi leswi kutraliwiki: Nikuyentxi kuva tatana wa matiko lawa manyingi a mahlweni ka lweyi apfumeliki ku Yene, Xikwembu Nkulukumba lweyi a hanyisaka vafi na ayentxa miva kone a mintxhumu leyi mingeke kone.

Mintiro Ya Vapostola 18:10

hikusa nina wene. Akuna mhunu lweyi atakakota kuyentxa swakubiha ahenhla kwaku, akulamata, hikusa nini vhanu vanyingi amutini lowu.

Yohana 12:32

Kambe mine, loko nitava nitlakuxiwi nisuka misaveni, nitatikokela vhanu hinkwavu ku mine.

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

Lk 15:8

Kumbe a wansati hi wini lweyi angana khume dra matxheleni, kulahleka drin'we. Ayentxa yini yene? Alumeka motre, akukula yindlu yake, adjulisisa, akondra adrikuma?