Yohana 11:47 - Testamente Ledrimpswha ni Mapsalma

⁴⁷ Kutani varangeli va vaprista ni vafarisi varamba huvu, vaku: Hitayentxa yini xana, leswi a mhunu lweyi atiraka mahlolana lawa ya kutala?

Yohana 11:47 Referans Kwoze

Mt 26:3

Ankameni lowo a vaprista lava vakulu ni vakulu va tiko vahlengeletana hubyini ya muprista lwenkulu, Kayafasi;

Yohana 12:19

Kutani vafarisi vabyelana vaku: N'waswivona leswaku amahapfuni ntxhumu. Lavisani, a tiko hinkwadru drilandra yene.

Yohana 11:57

Kambe a vaprista lava vakulu ni vafarisi afa valeleti leswaku, loko mhunu ativa laha Yesu angakone, a avativise, leswaku vatakota kumukhoma.

Yohana 2:11

A mahlolana lawa, hi wolawa Yesu angasungula ha wone, amutini wa Kana a Galileya, akombisa kuphatima kwake; kutani a vadondrisiwa vakwe vahangapfumela ku yene

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Mintiro Ya Vapostola 5:24

Loko a ndruna ya Tempele ni vaprista lava vakulu vayingela a maritu lawo, vatxhukisiwa hinkonta yavu, ni leswaku xana leswi switagama kwini.

Mintiro Ya Vapostola 5:21

Vaswiyingeliki, vahangavindruka, vayanhingena a Tempeleni, vadondrisa. Kambe a muprista lwenkulu kun'we ni lava avali na yene, vaku vatlhasa, vahlengeleta huvu ni vakulu hinkwavu va vana va Israyele, varuma vhanu abohelwini kuya buyisa a vapostola.

Lk 22:2

Kutani a vaprista lava vakulu ni vadondrisi va Nawu afa vadjula leswi vangamudlayisaka xiswone Yesu, hikusa afa vatxhava tiko.

Marka 14:1

Afa kusali ntsena masiku mabiri akuva Paska ni nkhuvu wa makati lawa mangekena handrelo swiva kone. A vaprista lava vakulu ni vadondrisi va Nawu afa vadjula a rengu dra ku khoma Yesu, akuva vamudlaya.

Yohana 6:2

Alandriwi hi xitrhungu lexi xikulu lexi afaka xifamba naye, hikusa afa xivoni mahlolana lawa amayentxiki ya kuhanyisa timbabyi.

Yohana 7:32

A vafarisi vayingela leswi xitrhungu xi n'unun'utaka swone ha Yesu, kutani vaprista lava vakulu ni vafarisi varuma malandra kuya mukhoma.

Yohana 7:45

Kuva loko malandra matlhelela ku varangeli va vaprista ni ku vafarisi; vone vavavutisa, vaku: Hikola kayini n'wingabuyanga na yene na n'wimubohile xana?