Yohana 11:42 - Testamente Ledrimpswha ni Mapsalma

⁴² Mine niswitivile leswaku hinkwawu masiku waniyingela. Kambe nihlayi leswo hikola ka xitrhungu lexi xiyimiki kola, akuva xitapfumela leswaku hi wene unirumiki.

Yohana 11:42 Referans Kwoze

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

Va-Heberu 5:7

Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 17:25

Tatana, wa kululama! A misava yone amikutivanga, kambe mine nikutivile, ni volavu vaswitivile leswaku hi Wene unirumiki.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 11:22

Kambe naswitiva ni swoswi leswaku hinkwaswu leswi ungaswikombelaka ku Xikwembu Nkulukumba, Yene atakunyika.

Mt 26:53

Xana upimisa leswaku nihluleka kukombela ku Tatana wanga, aninyika swoswi-swoswi kutlula khume dra mabutrhu na mabiri ya tintrumi?

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,

Yohana 11:31

A va-Yuda lava afaka vahali ndlwini na Maria vali kari vamutxhavelela, loko vamuvona asekeleka ahuma hi kuhangwesa, vamulandra hi kuyanakanya leswaku aya xireni akuya drila kone.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Yohana 8:29

Lweyi anirumiki, ana mine; anganitrikanga vuswanga, hikusa masiku hinkwawu niyentxa leswi swimutrhavisaka.

Yohana 8:16

Kambe, ni loko niyavanyisa akuyavanyisa kwanga hi loku kunene; hikusa ani vuswanga, Tatana lweyi anirumiki ana mine.

Yohana 11:43

Kuti loko ahlayi swoleswo, ahuwelela hi ritu ledri drikulu, aku: Lazaro, humela handle!

Yohana 12:11

hikusa, hikola kwake, va-Yuda lava vanyingi afa vapfumela ku Yesu, vafularela vaprista.

Yohana 12:17

A xitrhungu lexi afaka xili na yene loko avitana Lazaro ahuma xireni xiyi drungula leswi swiyentxekiki.