Yohana 10:6 - Testamente Ledrimpswha ni Mapsalma

⁶ Yesu avabyeli xifaniso lexi, kambe vone avayingelisisanga leswaku afa avabyela yini.

Yohana 10:6 Referans Kwoze

Yohana 16:25

Nin'wibyeli leswo hi swifaniso; Kambe a nkama wata, lowu ningahatikivulavula ha swifaniso, kambe nitan'witivisa swa Tatana alivaleni.

Mt 13:51

Kutani Yene avutisi, aku: Xana n'wiswiyingelile leswi hinkwaswu? Vone vayangula vaku: Im'na.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Kor 2:14

Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya.

Yohana 8:43

Hikola kayini n'wingayingelisisi leswi nihlayaka swone xana? Hi leswi n'wihlulekaka kuyingela ritu dranga.

Yohana 8:27

Vone ava yingelisisanga leswaku afa akhanela navu hita Tatana.

Yohana 7:36

Xana ahlaya yini, loko aku: N'witanidjula, kambe n'wingatinikuma, ni loko aku: Laha nitakaya kone, n'wingaka n'wingati?

Yohana 6:60

Loko vadondrisiwa lava vakutala va Yesu vayingeli leswo, vaku: A ritu ledri dra nonon'hwa; hi mani lweyi atakadriyingela xana?

Yohana 6:52

A va-Yuda vakanetana ha vuswavu, vaku: Xana a mhunu lweyi angahinyikisa kuyini a miri yake akuva hida xana?

Mt 13:34

Yesu akhaneli hinkwaswu leswi ku switrhungu hi kutirisa swifaniso; afa angavabyeli ntxhumu loko kunge hi swifaniso,

Marka 4:34

Afa angakhaneli navu loko kungali hi swifaniso, kambe afa atlhamuxela hinkwaswu ku vadondrisiwa vakwe loko vali vuswavu.

Yohana 16:29

A vadondrisiwa vakwe vaku ku yene: Ahaa! Swoswi uvulavula alivaleni; awahavulavuli hi swifaniso.

II Ptr 2:22

Kuhumelela ku vone leswi hlayiwaka hi ritu dra xihlayahlaya lexi xinene lexaku: A mbyana yi buyeli amanhlanteni ya yone, ni nguluve leyi nhlampsiwiki yi buyeli kupfingalaveni ntrakeni.