Yohana 10:10 - Testamente Ledrimpswha ni Mapsalma

¹⁰ A muyivi atela kuyiva ntsena, ni kutlhava, ni kudlaya. Mine nitile leswaku tihamba tanga tivani vutomi, tibyikuma hi ntalo.

Yohana 10:10 Referans Kwoze

Lk 19:10

Hikusa a N'wana wa Mhunu ateli kudjula ni kuhuluxa leswi swilahlekiki.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 12:47

Ni loko mhunu ayingela maritu yanga, kutani angamabekisi, animuyavanyisi, hikusa anitelanga kuyavanyisa misava, kambe niteli kumihuluxa.

Yohana 6:33

Hikusa a kati dra Xikwembu Nkulukumba hi ledri drixikaka hi le Tilweni, na drinyikaka a vutomi misava.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

I Tmt 1:15

A ritu ledri dra dumbeka, na kone drifanela kuyamukeliwa hi kudumba hinkwaku, leswaku Kriste Yesu ati misaveni, atatahuluxa vadohi, lava mine ninga lwenkulu ku vone.

Yohana 10:1

Yesu aku: Nihlayelamfuri nili ku n'wine; lweyi anganhingenikiki hi nyangwa arangeni dra tihamba, kambe atlulelaka hi kun'wana, i muyivi, ni muwutli.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

Va-Heberu 6:17

Hikolahu ka leswo, loko Xikwembu Nkulukumba, arandri kukombisa hi ntamu kuvadi va pfindla dra xidumbiso, leswaku a makungu yake hi lawa yakuka manga heli, atinhingenisi hi kufunga

Mt 23:13

Kambe yowee, n'wine vatrali ni vafarisi va mandrendre! Hikusa n'wipfalela vhanu a Mfumu wa Matilo; na kone n'wine an'winhingeni, mfuri an'wivapfumeleli lava varandraka a kunhingena. [

Rm 2:21

Wene lweyi adondrisaka van'wana, hayini ungatidondrisi na wene? Wene Ureraka leswaku vangayivi, hikola ka yini wene uyiva?

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

Marka 11:17

Kutani avadondrisa aku: A Matralweni kuhlayiwa leswaku: A yindlu yanga yitava Yindlu ya xikhongoto ku matiko hinkwawu! Kambe n'wine n'wiyihambi mhakwa ya vayivi!

Yohana 12:6

Ahlayisa xileswo kunge hi leswi afaka ani mhaka ni swisiwana, kambe hi leswi afaka ali muyivi; kutani leswi afaka ali mutameli wa nkwama wa mali, afa ahamba ayiva leswi txheliwaka kone.

Mt 21:13

aku ku vone: Kutraliwi leswaku: A yindlu yanga yitahlayiwa yindlu ya vukhongoti, kambe n'wine n'wiyiyentxa yiva mhakwa ya vayivi.

Yohana 5:40

Kutani an'wiswidjuli kuta ku mine leswaku n'wikuma vutomi lebyi byingahelikiki.

Yohana 10:11

Hi mine Mubyisi lweyi munene. A Mubyisi lweyi munene anyiketa vutomi byake hinkonta ya tihamba.

Mt 18:11

Ha kunene a N'wana wa Mhunu ateli kutahuluxa leswi afaka swilahlekile.]