Yohana 1:4 - Testamente Ledrimpswha ni Mapsalma

⁴ Ku drone afa kuli ni vutomi kutani vutomi afa byili kuvaninga ku vhanu.

Yohana 1:4 Referans Kwoze

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Yohana 12:46

Mine ni kuvaninga, kutani nitile misaveni akuva mun'wana-ni-mun'wana lweyi apfumelaka ku mine, angatrhami munyameni.

Yohana 5:26

Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Yohana 9:5

Loko nahali misaveni ni kuvaninga ka misava.

Yohana 11:25

Yesu aku ku yene: Hi mine kupfuka kufeni ni vutomi. Lweyi apfumelaka ku mine, nambi angafa, atahanya.

I Yhn 5:11

Kutani a vumboni hi lebyi: Xikwembu Nkulukumba ahi nyiki vutomi lebyi byingahelikiki, a vutomi lebyo byi le ku N'wana wakwe.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 12:35

Yesu aku ku vone: A kuvaninga kahatava kone nkamanyana amakari kwenu. Fambani loko meheni kuvaninga, leswaku munyama wungatitxhuka wu n'wikuma; kasi lweyi afambaka munyameni angativi lomu ayaka kone.

Ef 5:14

Hileswo-ke kuhlayiwi leswaku: Sisimuka wene uyetleliki, pfuka makari ka vakufa, kutani Kriste ata kuvaninga.

Mt 4:16

A tiko ledri afaka drifamba amunyameni drivoni a livaningo ledri drikulu! A livaningo ledri drivaningiki ku lava afaka vatrhama tikwanini dra munyama, ni ntrhuti wa lifu.

Va-le-Kolosa 3:4

Loko Kriste inga vutomi byenu, ativonekisa, kutani na n'wine n'witavonekisiwa kun'we na yene a kuphatimeni kwake.

Mintiro Ya Vapostola 26:23

Leswaku Kriste afa afanekeli kuxaniseka, ava lweyi wa kuranga a kupfuka kufeni, atadrungulela a livaningo ku va tiko ledri ni ku va-Matiko.

Lk 2:32

Yene i livaningo drodritaka vaninga matiko, ni kutwala ka tiko drakwe dra Israyele.

I Yhn 1:2

Hikusa a vutomi bya vonekisiwile, hi byi vonile, hi timboni ta byone, hi n'wibyela vutomi lebyingahelikiki, lebyi afaka byi li ku Tatana, kutani byi vonekisiwi ku hine.

Yohana 5:21

Swanga hi leswi Tatana apfuxaka vafi, atlhela avanyika vutomi, hi swoswo na yene N'wana, anyika vutomi ku lava arandraka kuvanyika.

Mpfuletelo 22:16

Mine Yesu, ni rumi ntrumi yanga ya ta n'wibyela hinkwaswu leswi a makerekeni. Hi mine mutru ni lixaka dra Davida, a nyeleti ya kuphatima ya mixo.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.

Yohana 3:19

A kuyavanyisa hi loku: A kuvaninga kuti misaveni, kambe vhanu varandri munyama kutlula kuvaninga, hikusa mintiro yavu afa mibihile.

I Yhn 1:1

Lexi afaka xikone kehe kusunguleni, lexi hixiyingeliki, lexi hixivoniki hi mahlu yeru, lexi hi xihlaleliki, lexi mandla yeru maxikhumbiki, xinga xa ritu dra vutomi.