Yohana 1:34 - Testamente Ledrimpswha ni Mapsalma

³⁴ Mine Yohana nimuvonile, kutani nibeki vumboni bya leswaku hi yene N'wana wa Xikwembu Nkulukumba.

Yohana 1:34 Referans Kwoze

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Mpfuletelo 2:18

Ku ntrumi ya kereke ledri dringa Tiyatira trala uku: A N'wana wa Xikwembu Nkulukumba, lweyi angani mahlu lawa mafanaka ni langavi dra ndrilo, ni minkondro yake mifanaka ni nsuku lowu wukhuxiwiki, ahlaya leswi:

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

I Yhn 4:9

Kuvi xiswoswi dritivonekisiki alirandru dra Xikwembu Nkulukumba ku hine: hileswaku Xikwembu Nkulukumba arumi N'wanake, lweyi wakupswaliwa swake amisaveni, akuva ha Yene hitahanya.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

I Yhn 2:23

Lweyi alandrulaka N'wana, na kone atrhama na ange na Tatana. Kutani lweyi apfumelaka N'wana, na kone ana Tatana.

II Kor 1:19

Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene.

Yohana 19:7

A va-Yuda vamuyangula, vaku: Hine hini nawu, kutani hi nawu lowo afanela kufa, hikusa atiyentxi N'wana wa Xikwembu Nkulukumba.

Yohana 11:27

Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

Yohana 10:36

xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Marka 1:1

A kusungula ka Ivangeli ya Yesu Kriste, N'wana wa Xikwembu Nkulukumba,

Mt 27:54

A ndruna ya dzana (100) dra mabutrhu ni mabutrhu lawa afaka malavelela Yesu, loko vavona kutrekatreka ka misava, ni leswi swihumeleliki, vatxhava ngopfu vaku: Ha kunene, lweyi afa ali N'wana wa Xikwembu Nkulukumba.

Mt 27:43

Adumbi Xikwembu Nkulukumba, amuhuluxi swoswi, loko amurandra; hikusa ati: Ni N'wana wa Xikwembu Nkulukumba!

Mt 27:40

vaku: Mubutrhuti wa Tempele ni muyaki wa drone ha masiku mararu! Tihuluxe! Loko uli N'wana wa Xikwembu Nkulukumba, xika Xihambanwini.

Mt 26:63

Kambe Yesu amiyela. Kutani a muprista lwenkulu aku ku yene: Nikufungisa hi vito dra Xikwembu Nkulukumba lweyi ahanyaka, leswaku uhibyela loko ali wene Kriste N'wana wa Xikwembu Nkulukumba!

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

II Yhn 1:9

Lweyo ni lweyo a humaka dondrweni ya Kriste, angatrhami ku yone, angana Xikwembu Nkulukumba; lweyi a trhamaka na atiyile adondrweni ya Kriste, yene ana Tatana ni N'wana.

Va-Heberu 7:3

Lweyi afaka angana tatana, angana mamana, kumbe longoloko dra vuxaka byake, angavanga ni masungulo ya masiku, nambi byi vutomi byake abyi na vugamu; kutani a fanisiwile ni N'wana wa Xikwembu Nkulukumba, kutani atrhami ali muprista hi laha kungahelikiki.

Lk 3:22

ni Moya wa Kuxwenga wuxikela a henhla kwake, na wuni xivumbeko lexi xifanaka ni xa tuva, kutani kutwala a ritu ledri dripfaka atilweni driku: Wene u N'wananga lweyi arandriwaka; lweyi nitrhavisiwaka ha yene.

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Marka 1:11

Ava ayingela a ritu ledri dripfaka Tilweni, driku: Wene, u N'wananga lweyi wa kurandreka, lweyi nimutrhavelaka.

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 8:29

kutani vasungula kubandlukana vaku: Udjula yini ku hine, N'wana wa Xikwembu Nkulukumba! Uti halenu kuta hixanisa na nkama wungasitlhasa, xana?

Mt 4:6

aku ku yene: Loko uli N'wana wa Xikwembu Nkulukumba dladlama la, hikusa kutraliwi leswaku: Xikwembu Nkulukumba ataleleta a tintrumi tikukhavutela hi mavoko ya tone, ungatitxhuka ukhunguvanyeka nkondro waku hi ribye.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

Yohana 20:28

Tomasi ayangula, aku ku yene: Hosi yanga ni Xikwembu Nkulukumba wanga!

Yohana 10:30

Mine na Tatana hi mun'we.

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.