Yohana 1:33 - Testamente Ledrimpswha ni Mapsalma

³³ Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Yohana 1:33 Referans Kwoze

Mintiro Ya Vapostola 1:5

Hikusa Yohana ababatisi hi mati, kambe andreni ka masikunyana n'wine n'witababatisiwa hi Moya wa Kuxwenga.

Lk 3:16

Yohana avabyela hinkwavu aku: Mine nin'wibabatisa hi mati, kambe awata lweyi anitlulaka hi ntamu, lweyi ningafanelikiki kuntrhunxa a tingoti ta tintangu takwe. Hi yene atakan'wibabatisa hi Moya wa Kuxwenga ni hi ndrilo.

Mt 3:11

Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Mintiro Ya Vapostola 2:4

Vahangatala hinkwavu hi Moya wa Kuxwenga, vasungula kukhanela hi tindrimi tin'wana, swanga hi leswi a Moya afaka wuvanyika kuhlaya swone.

Yohana 1:31

Mine afa ningamutivi, kambe nitile na nili lweyi ababatisaka hi mati, leswaku atavonekisiwa ku vana va Israyele.

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.