Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.
Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.
Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.
Yesu aku ku yene: Nitrhami na n'wine nkama wunyingi, kutani awusinitiva, Filipi? Lweyi anivoniki, avoni Tatana. Kutani uhlaya ha yini uku: Hikombe Tatana?
A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.
Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.
Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.