Yohana 1:17 - Testamente Ledrimpswha ni Mapsalma

¹⁷ Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Yohana 1:17 Referans Kwoze

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Va-Heberu 9:22

Mfuri hi nawu ingi hinkwaswu swibasisiwa hi ngati, a handle ka kuhalatiwa ka ngati, akuna kudrivaleliwa ka swidoho.

Yohana 8:32

Na swone n'witativa xihlayelamfuri, kutani a xihlayelamfuri xitan'wintrhunxa.

Yohana 7:19

Xana Moxe angan'winyikanga Nawu xana? Kambe nambi swili tanu angakone ni mun'we wenu lweyi abekisaka Nawu. Hikola ka yini n'widjula kunidlaya xana?

Mintiro Ya Vapostola 28:23

Vamubekela a siku. Ntrhaku vayabuya ku yene a ndlwini yake, na vali vanyingi. Yene avatlhavukanyisa hi kuhambela vumboni a Mfumu wa Xikwembu Nkulukumba; adjuletela a kuvakholwisa mayelano na Yesu, na asukela a Nawini wa Moxe ni ku vaprofeta, kusukela amixweni kuyatlhasa amadambyeni.

Gl 3:17

Ke, ni hlaya leswi: leswaku a xipfumelelanu lexi xingatiyisiwa hi Xikwembu Nkulukumba, a nawu wutiki loko kuhundri mune wa madzana ya malembe na makume mararu (430), awuna kuswikota kuhelisa a xipfumelelanu, akuva a xidumbiso xinga havi kone.

Mintiro Ya Vapostola 7:38

Hi yene lweyi angava kone anhlengeletanwini ya le huleni, kun'we ni ntrumi leyi afaka yivulavula na yene anhaveni ya Sinayi, kun'we ni vatatana veru; hi yene lweyi ayamukeliki a maritu ya vutomi akuva ahinyika wone.

Yohana 5:45

N'wingayanakanyi leswaku hi mine nitakava murambeli wenu amahlweni ka Tatana. Lweyi atakan'wirambela hi Moxe, yelweyi n'wibekiki kudumba kwenu ku yene.

II Kor 1:20

Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine.

Yohana 9:29

Haswitiva leswaku Xikwembu Nkulukumba avulavuli na Moxe, kambe a mhunu lweyo, ahikutivi lomu apfaka kone.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.