Yohana 1:12 - Testamente Ledrimpswha ni Mapsalma

¹² Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Yohana 1:12 Referans Kwoze

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Rm 8:14

Hinkwavu lava fambisiwaka hi Moya wa Xikwembu Nkulukumba, i vana va Xikwembu Nkulukumba.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Yohana 3:18

Lweyi apfumelaka ku N'wana, angayavanyisiwi; kambe lweyi angapfumelikiki ayavanyisiwile ni swoswi, hikusa anga pfumelanga ku N'wana wa Xikwembu Nkulukumba lweyi wa mun'we.

Va-le-Kolosa 2:6

Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene,

Mt 10:40

Lweyi an'wiyamukelaka ayamukela mine, ni lweyi aniyamukelaka, ayamukela lweyi anirumiki.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

Mt 12:21

Na swone a va-Matiko vatadumba vito drakwe.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

Mintiro Ya Vapostola 3:16

Hi kupfumela ku vito dra Yesu, a vito drakwe dritiyisi a mhunu yelweyo n'wimuvonaka, n'wimutivaka; ke a kupfumela ku Yesu kunyiki vutomi kulweyi n'wimuvonaka lana hinkwenu.

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Yohana 1:7

Ateli kuva mboni, kutabeka vumboni henhla ka kuvaninga akuva hinkwavu vapfumela hikola kwake.

Mt 18:5

Nakone, lweyi ayamukelaka a ntrongwana wanga hi lweyi, hi vito dranga, ayamukela mine.

Yohana 2:23

Loko ali Yerusalema, ankhubyini wa Paska, a vhanu lava vanyingi vapfumela ku yene, hi kuvona mahlolana lawa amayentxaka.

Yohana 1:11

Atile ku va le kwavu, kambe avamuyamukelanga.

Rm 8:16

Hi wo Moya lowo wu dondrisaka a moya weru leswaku hine hi vana va Xikwembu Nkulukumba.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.