Yd 1:6 - Testamente Ledrimpswha ni Mapsalma

⁶ Ni tintrumi leti tingabekisangakiki xiyimu xa tone, kambe tisukeli ambangwini wa tone, Yene atibekisile amunyameni hi timpentxana leti tingahelikiki, kukota kutlhasa tremo dra siku ledrikulu.

Yd 1:6 Referans Kwoze

II Ptr 2:4

Ke, loko Xikwembu Nkulukumba angatretrelelanga tintrumi loko tidohile, kambe atitxukumetile a gehena, atinyiketa akheleni dra munyama lana tinyimelaka siku dra yavanyiso.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 8:29

kutani vasungula kubandlukana vaku: Udjula yini ku hine, N'wana wa Xikwembu Nkulukumba! Uti halenu kuta hixanisa na nkama wungasitlhasa, xana?

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

Va-Heberu 10:27

Kambe kusali ntsena kurindrela loku kutxhavisaka ka kuyavanyisiwa ni vukari lebyi byipfuraka loku kutaka hisa valala.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mt 10:15

Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

Yd 1:13

I mavimbi lawa ya kulebya ya likhulu, lawa matlhutlhaka likasi dratingana tavu, i tinyeleti leti hambukiki, leti bekiseliwiki ntima wa munyama hilaha kungahelikiki.

Mpfuletelo 20:2

yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).