Yakobe 5:3 - Testamente Ledrimpswha ni Mapsalma

³ A gole drenu ni silivela swikurile, aku kura ka swone kutava vumboni ku n'wine, kuta da nyama yenu swanga hi ndrilo n'wihlengeleta vukosi amasikwini laya vugamu.

Yakobe 5:3 Referans Kwoze

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 20:15

Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

II Tmt 2:17

Kutlula leswo, na wo maritu yavu matapfundra kufana ni xilondra; amakari kwavu kuna Himenewu na Fileto.

Mpfuletelo 17:16

A timhondro leta khume leti ungativona, ni xihari, leswo switavenga wansati wa vumbuye, swita muyentxa atekeliwa hinkwaswu, asala nange na ntxhumu mirini; swida nyama yake, swimuhisa hi ndrilo.

Mintiro Ya Vapostola 2:17

Amasikwini ya vugamu, kuhlaya Xikwembu Nkulukumba, nitatxhela a Moya wanga a henhla ka nyama hinkwavu. A vanenu vataprofeta; na vone vanhwanyana venu; a vayisanyana venu vatavona swivoniso, ni swiduwhati swenu switalora miloro.