Yakobe 4:4 - Testamente Ledrimpswha ni Mapsalma

⁴ Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

Yakobe 4:4 Referans Kwoze

Rm 8:7

Hikolahu, akuyanakanya ka nyama ku nyenyana ni Xikwembu Nkulukumba, hikusa akuyingiseti a nawu wa Xikwembu Nkulukumba, mfuri akukoti kuyentxa.

Gl 1:10

Swingava leswaku, mine swoswi, ni djula wupfuno bya vhanu kumbe bya Xikwembu Nkulukumba xana? N'wiyanakanya leswaku xana nidjula kunyoxisa vhanu xana? Loko ni djula leswo, afa ningativa nandra wa Kriste.

Yohana 15:19

Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Mt 6:24

Angakone lweyi angakotaka kutirela a tihosi tibiri; hikusa kumbe atavenga yin'we arandra yin'wana, kumbe atanamarela yin'we adrela yin'wana. An'winakuswikota a kutirela Xikwembu Nkulukumba ni mali.

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Mt 16:4

Lixaka ledri drimfani ni dra vumbuye drikombela xikombiso xin'we xa mahlolana; kambe dringatinyikiwa xikombiso loko xinge xa Yona. Kutani avasiya, atifambela.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Lk 19:27

Loko vali valala vanga, lava vangadjuliki leswaku niva mufumi wavu, vatisani kola n'wivadlaya amahlweni kwanga.

Mt 12:39

Kambe Yene avayangula aku ku: A lixaka ledri drimfani, dra vumbuye, dridjula mahlolana! Kambe n'wingaka n'winganyikiwi xikombiso xin'wana, loko kunge xa muprofeta Yona.

I Kor 1:20

Yi kwini a ntlhari? A kwini a mutrali? A kwini a muphikisi wa minkama leyi? Xikwembu Nkulukumba angayentxanga leswaku a vutlhari bya misava leyi byindruluka vusinge xana?

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.