Biblia Todo Logo
Bib sou entènèt

- Piblisite -




Yakobe 3:17 - Testamente Ledrimpswha ni Mapsalma

17 Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Gade chapit la Kopi




Yakobe 3:17
63 Referans Kwoze  

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.


Ingi lirandru drenu dringava ni kudumbeka, nyenyani swakubiha n'wiyentxa leswi swinene.


Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.


Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.


Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.


Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;


Vakatekile lava vabasiki timbilu, hikusa vatavona Xikwembu Nkulukumba!


Lweyo ni lweyo angani kulavisela ku Yene, awa tibasisa ha swake, swanga ha Yene a basiki.


hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.


Vanani ni vunene swanga heswi Tatana wenu angani vunene.


Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,


Kambe a swifanekeli leswaku a nandra wa Hosi ava ni kulwa, avi ni vumbilu kuhinkwavu, ava lweyi ativaka kudondrisa, a lehisa mbilu.


Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,


An'wiswivoni leswaku n'wiyentxa kuhambanisa makari kwenu mfuri, an'witiyentxanga vayavanyisi va vhanu, hi miyanakanyu leyi minfani?


Ha kunene, akulaya hinkwaku ka swoswi, akuvoniwi na kutrhavisa, loko angali ka kuvaviseka, kambe antrhaku kupswala mihandru leminene ya kululama, ku lava vadondrisiwiki ha kone.


akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;


Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.


Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;


Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.


Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.


hikusa Barnabasi afa ali mhunu wa hombe, lweyi ataliki hi Moya wa Kuxwenga ni hi kupfumela. Kutani a vhanu vanyingi vatinyiketa ku Hosi.


Hi swoswo na n'wine, hi le handle ingi n'wi vhanu vanene, kasi andreni n'witali hi mandrendre ni vusomboloki.


nambi afa hiswikotile, kun'wibindra, swanga mupostola wa Kriste, kambe hidjuli kun'wibekisa hi kunabyala swanga mamana lweyi a vonelelaka vanakwe.


Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.


N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.


A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.


Yesu loko avona Nataniyele ata na amukongomile, kutani aku: Vonani a mu-Israyele wa xihlayelamfuri, lweyi kungekena kukanganyisa ku yene.


A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.


vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.


Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.


Loko swikotekaka hi tlhelo drenu, vanani ni kurula ni vhanu hinkwavu.


Hikusa a mhandru wa livango, i vunene hinkwabyu, ni kululama ni xihlayelamfuri,


Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,


Kutani, Yene lweyi anyikaka mbewu amubyali ni kati dra kuda, nangweso ata n'winyika ava ayandrisela timbewu leti n'witivilelaka atakulisa antrhovelo wa mihandru ya vunene byenu;


Vakatekile a valulami, hikusa vatatxhuliwa vana va Xikwembu Nkulukumba!


Ni hikubasa, ni kutiva, nihi kulehisa mbilu, ni vunene, nihi ka Moya wakuxwenga, hi lirandu na kungena kukanganyisa,


Hikusa lavisani, akuvaviseka kwenu loku, kurandriwaka hi Xikwembu Nkulukumba, kuvanga ku khinyela loku kulu; ni hi kuyangulela, ni hi kuhlundruka, ni hi kutrhava, ni hi kunavela, ni hi kuhiseka, ni hi kudriha! N'wivonekisi hinkwavu leswaku an'wina nandru amhakeni leyo.


Hikusa a tremo dritava drakukala lirere ku lweyi atakava na angakombisanga lirere, a lirere drititwalisa henhla ka tremo.


Vatireli, tibekani hansi, hi xitxhavu hinkwaxu, ku vinyi venu, kungali ku lava vanene ni va kunabyala ntsena, kambe na kone ku lava va kulebya.


Swiv nou:

Piblisite


Piblisite