Yakobe 3:15 - Testamente Ledrimpswha ni Mapsalma

¹⁵ Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

Yakobe 3:15 Referans Kwoze

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

I Kor 3:19

Hikusa a vutivi bya misava leyi i vusinge amahlweni ka Xikwembu Nkulukumba; hikuva kutraliwi leswaku: Yene akhoma tintlhari avutlharini bya tone.

Va-le-Filipiya 3:19

A vugamu byavu i kulahleka, hikusa a xikwembu nkulukumba wavu i khuri. Akutitwalisa kwavu kuva tisela tingana ha vuswavu, vayanakanya ntsena a swa misava leyi.

I Kor 2:14

Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

I Tmt 4:1

A Moya wahlayisisa leswaku, aminkameni ya vugamu, van'we vatatlhelela ntrhaku avupfumeleni, vayingisetisisa a mimoya kukanganyisa, ni kulandra tidondro ta mademoni,

Yd 1:19

Lava hi lava hambanisaka van'wana; vafamba hi swavumhunu, na vangena Moya wa Xikwembu Nkulukumba.

I Kor 3:3

hikusa n'wahali va nyama, ntsena. Hikuva leswi kahaniki vukwele ni timholova amakari kwenu, xana an'wi va nyama, ni va kufamba hi ximhunu ntsena?

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 9:11

mfuri afa yirangeliwa hi mufumi wa yone, lweyi yinga ntrumi ya khele dra kuyeta dringagami, a vito dra yone hi Xiheberu i Abadoni, ni hi Xigirika yingani vito draku Apoliyoni.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,

II Tsl 2:9

A musomboloki atahumelela hi ntamu wa Sathana, atanyika swikombiso swa ntamu wukulu hi mahlolana ya kuka ndlela, ni swikombiso.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

I Kor 1:27

Kambe Xikwembu Nkulukumba ahlawuli leswi swinga vusinge ku misava leyi akuva ayentxela tingana a tintivi, mfuri ahlawuli leswi swinga swa gome amisaveni akuva ayentxela tingana a mintxumu leyi minga ya ntamu;

Rm 1:22

Vatihlaya leswaku i tintlhari, vandruluka swimphunta.

Mintiro Ya Vapostola 13:10

kutani aku ku yene: Wene, wa muhembi, mubihi, n'wana Diyavulosi, nala wa hinkwaswu leswi swilulamiki. Xana hikola kayini ungatriki kusombolokisa a tindlela ta kululama ta Hosi?

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Lk 16:8

A n'winyi wakwe akhensa mulaviseli lweyi wa kudoha, leswi ayentxiki hi vutlhari. Hikusa a vana vamisava leyi vatlula a vana vakuvaninga hi vutlhari alixakeni dravu.