Yakobe 3:14 - Testamente Ledrimpswha ni Mapsalma

¹⁴ Kambe loko timbilu tenu titali hi vukwele kumbe matrhoho, n'wingatikulisi n'wihembela xihlayelamfuri.

Yakobe 3:14 Referans Kwoze

Yakobe 3:16

Lomu kunga ni vukwele ni kutengisana, hi lomu kunga ni mubangu ni tinxaka hinkwatu leta vubihi.

I Kor 13:4

A lirandru drilehi mbilu, drini vunene. A lirandru adrina vukwele, adritiyentxisi na kone adritikukumuxi,

Va-le-Filipiya 2:3

N'wingayentxi ntxhumu hi kukanetana, nambi kutidrumisa, kambe hi kutitrongohata, mun'wana-ni-mun'wana ayanakanyi leswaku i ntrongo ku van'wana.

I Kor 3:3

hikusa n'wahali va nyama, ntsena. Hikuva leswi kahaniki vukwele ni timholova amakari kwenu, xana an'wi va nyama, ni va kufamba hi ximhunu ntsena?

Rm 13:13

Ahi fambeni hi kudumbeka, swanga hi loko hili livaningweni dra nhlikanhi, kunge kudeni ni le kupopsweni, kunge a vuwoswini ni le switolovetweni swakubiha, kunge timholoveni ni le matrhohweni.

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

Va-le-Filipiya 1:15

Avan'wana vareri ta Kriste hi matrhoho ni vukwele; kambe, avan'wana, vaswiyentxa hi moya wunene.

Yakobe 5:19

Vamakweru, loko a mun'we ku n'wine ahambuka ndleleni ya xihlayelamfuri a mun'wana amutlhelisa,

Mintiro Ya Vapostola 5:17

Kolahu a muprista lwenkulu, kun'we ni hinkwavu lava afaka vali na yene, va ntlawa wa vasaduki, vapfuka na vatali hi mona,

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Tmt 6:4

lweyo i wa kutikukumuxa, na angativi ntxhumu, kambe ani mavabyi ya kurandra a kuphikisana ni timholova mayelano ni maritu, lawa ku wone kuhumaka a xikwele, ni timholova, ni swifingeto, ni kulumbetana hi swakubiha,

I Kor 5:2

Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Gl 6:13

Hikusa nambi lava vasokaka ava landri nawu, kambe varandra leswaku n'wine n'wisoka, akuva vatitwalisa amirini yenu.

Gl 5:26

Hingatidjuleli kutikulisa ka swaku ka ndlela, hikupfukana ni vukwele.

Gl 5:21

kutrhohoka, kupopswa, makwanga, ni leswi swifanaka na swone; leswi nin'wibyelaka, Swanga hi leswi ninga n'wibyela khale, leswaku avayentxi vakukari vangadi pfindla dra mfumu wa Xikwembu Nkulukumba.

Gl 5:15

Kambe loko n'wilumana, n'widrelana, tivonelani n'wingatxhuka n'witihelisa ha vuswenu.

I Kor 5:6

Ahi ntxhumu wunene a kutikukumuxa kwenu. Xana an'wiswitivi leswaku a handrelo yitrongo yibilisa a mbila hinkwayu xana?

Rm 2:17

Wene utihlayaka mu-Yuda, utiseketelaka nawini utikukumuxaka hi kutiva Xikwembu Nkulukumba.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

Mintiro Ya Vapostola 26:9

Loko ali mine, kunene afa nipimisa leswaku afa nifanela kuyentxa hinkwaswu leswi swikotekaka kulwa ni ritu dra Yesu wa le Nazarete.

Mintiro Ya Vapostola 13:45

Loko va-Yuda vavoni vhanu vanyingi, vatala hi matrhoho, vasungula kusandra ni kukaneta na Pawulosi.

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Mt 27:18

Hikusa afa aswitiva leswaku vamunyiketi yene hi matrhoho.

Mintiro Ya Vapostola 7:9

A vapatriyarka vavini vukwele ku makwavu Yosefa, kutani vamuxavisa akuva ayisiwa a Egipta. Kambe Xikwembu Nkulukumba, afa ali na yene;

Gl 5:20

ni kugandrela swifaniso, ni vungoma, ni mona, ni timholova, ni vukwele, ni mahlundru, ni tihanyi, ni kutravukana, kuyalana,

I Tmt 2:4

Lweyi adjulaka leswaku vhanu hinkwavu vahuluxiwa, ni leswaku vatlhasa akutiveni ka xihlayelamfuri.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.