Yakobe 3:13 - Testamente Ledrimpswha ni Mapsalma

¹³ A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

Yakobe 3:13 Referans Kwoze

Gl 5:23

A nawu awu kone lowu wakuyala leswo.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Mt 5:5

Vakatekile lava varuliki, hikusa vatava ni pfindla dra misava!

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

Tito 3:2

vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

Yakobe 2:18

Kambe a mun'we angahlaya leswku: Wene, unikupfumela; na mine, ni mintiro; ni kombe akupfumela loku kwaku, na kungena mintiro, kutani mine, hi mintiro, ni takukomba akupfumela kwanga hi mintiro.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

I Tmt 4:12

Kungavi na mhunu lweyi asolaka a vumpswha byaku, kambe vana xikombiso ku vapfumeli, aritwini, amahanyeleni, aliradrwini, akupfumeleni ni le kubaseni ka mbilu.

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Yakobe 3:1

Vamakweru, avunyingi byenu n'wingave ndruluka vadondrisi, switivani leswaku hine lava hi dondrisaka hita kuma kuyavanyisiwa loku hundrisaka.

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Gl 6:4

Mun'wana-ni-mun'wana atikambele mintiro yake, lahu kutani atakota kuti twalisa ntsena miyanakanywini yake, na kunge ku mun'wana.

Gl 6:1

Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

II Kor 8:24

Kombisani ku man'wana makereke alirandru drenu ledri ni kutitwalisa kweru hinkonta yenu amahlweni ka vhanu lavo.

Mt 21:5

Byelani nhwanyana wa Siyoni: Lavisa a Mufumi waku awata ku wene! Hikutitrongahata, na akhandriyi mbongolo leyi yingani ximbongolwana, n'wana wa leyi yirwalaka a mpinga.

I Ptr 3:4

kambe xongisani a mhunu wenu wa le ndreni, wa mbilu, hi swiyambalu leswi swingabolikiki swa moya wa kunabyala ni kurula, wungani lisima drikulu amahlweni ka Xikwembu Nkulukumba.

I Kor 6:5

Nihlaya leswi ku n'wine akuva nin'wikhomisa tingana! Xana akuna mhunu wa ntivi amakari kwenu angakotaka a kuyavanyisa a timhaka ta vamakwavu, xana?

Mt 7:24

Lweyi ayingelaka a maritu yanga ava amayentxa, atafananisiwa ni wanuna lweyi atlharihiki, ayakiki a yindlu yake aribyeni.

Va-Heberu 13:5

A mahanyeleni yenu n'wingavi pfumela kufumiwa hi lirandru dra mali, trhavani hi leswi n'winga naswu, hikusa Yene ate: Ningatikutrhika ni kutrongo, nambi kukusukela.

I Ptr 1:15

kambe swanga hi leswi lweyi an'wivitaniki axwengiki, na n'wine xwengani amahanyeleni yenu hinkwawu,