Yakobe 2:5 - Testamente Ledrimpswha ni Mapsalma

⁵ Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

Yakobe 2:5 Referans Kwoze

Mt 5:3

Vakatekile lava vanga swisiwana amoyeni, hikusa a Mfumu wa Matilo i wavu!

Lk 6:20

Yesu alavisa a vadondrisiwa vakwe, aku ku vone: N'wikatekile n'wine swisiwana, hikusa a Mfumu wa Xikwembu i wenu.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

II Kor 8:9

hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

Lk 12:21

Yesu aheta hi kuhlaya leswi aku: Hi swoswo ni ku lweyi atihlengeletelaka vupfundri na angafuyeli ku Xikwembu Nkulukumba.

I Ptr 1:4

leswaku n'wivani pfindla ledri dringabolikiki, drixwengiki, mfuri dringabunikiki, ledri dribekiseliwiki n'wine a Matilweni,

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Va-Heberu 11:26

Apimisa leswaku akusandriwa ku Kriste i vupfundri lebyitlulaka nhlengwe ya le Egipta. Hikusa afa a langusela kutlheliseliwa.

Lk 12:32

Yesu ayi mahlweni aku: Ungatxhave, we ntlhambinyana, hikusa swirandri hi Tatana wenu a kun'winyika a Mfumu.

I Kor 2:9

Kambe swanga hi leswi kutraliwiki leswaku: Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu, leswi Xikwembu Nkulukumba an'wibekiseliki lava vamurandraka;

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Yakobe 1:9

Makweru lweyi anganixiyimu xa kutrongahateka afanela kutrhava akutlakuxiweni kwake.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Lk 16:25

Kambe Abrahamu aku: N'wananga, drimuka leswaku wa yamukeli leswi swa hombe avutomini byaku hinkwabyu; kasi Lazaro ayamukeli makhombo. Swoswi awamiyetiwa kasi wene wavaviseka.

Mt 11:5

Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

II Tmt 4:18

Hosi yita ni huluxa mintirweni hinkwayu leya kubiha, yi ni bekisa Mfun'wini wa yone wa le Matilweni. A kutwala a kuve ku yone hi minkama ni minkama. Amen.

II Tsl 1:5

Leswo i xikombiso swoswi xa yavanyiso dra kululama, ledri Xikwembu Nkulukumba ataka paluxa mfanelo ya Mfumu wakwe, hi lirandru droledri n'wine n'wirwaliki mahlomulo ya kunhati.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

Lk 16:22

Lweyi wa xisiwana afa, ayisiwa hi swirun'wa axifuveni xa Abrahamu. Naye mufuyi afa, alahliwa.

Yakobe 1:16

N'wingakanganyisekeni, vamakweru lava randrekaka:

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

II Kor 4:15

Hinkwayu mintxhumu mikone hikola ka lirandru drenu, hikuva loko atimpswalu tiyandra, na kone kutlangela kuva kunyingi hikola ka lava vanyingi, akuva kutwalisiwa Xikwembu Nkulukumba.

Yohana 7:48

Hi mani ku vakulu va tiko ni ku vafarisi lweyi asamaka apfumela ku yene xana?

Lk 22:29

Na mine nin'winyika Mfumu swanga hi leswi anganinyika Tatana wanga,

Marka 7:14

Yene ayengeta avitana a xitrhungu aku ku xone: Niyingelani hinkwenu n'wiva n'wiyingelisisa.

Mintiro Ya Vapostola 7:2

Yene ayangula aku: Va-le-kweru, na n'wine vatatana! Yingelani: Xikwembu Nkulukumba wa vumenyemenye atikombisi ku tatana weru Abrahamu loko ahali Mezopotamiya, na angasangana yaka Kharana,

Yakobe 1:19

Switivani vamakweru lava randriwaka! Mhunu mun'wana-ni-mun'wana afanela kukahluli kuyingela minkama hinkwayu; kambe ahlwela kuvulavula, ahlwela kuhlundruka.