Yakobe 2:18 - Testamente Ledrimpswha ni Mapsalma

¹⁸ Kambe a mun'we angahlaya leswku: Wene, unikupfumela; na mine, ni mintiro; ni kombe akupfumela loku kwaku, na kungena mintiro, kutani mine, hi mintiro, ni takukomba akupfumela kwanga hi mintiro.

Yakobe 2:18 Referans Kwoze

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

Yakobe 2:14

Swipfuna yini vamakweru, loko a mhunu ahlaya leswaku ani kupfumela na angena mintiro? Xana akupfumela loko kutamuhuluxa xana?

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Tito 2:7

ku mintxhumu hinkwayu, na wene utikombisa swanga xikombiso amintirweni leminene; akudondriseni, vana lweyi angasolekiki mfuri afanekelaka hi xihluwa,

Rm 14:23

Kambe, loko mhunu ali nikukanganyisa hi tlhelo dra leswi aswidaka, hikusa angaswitivi kumbe Xikwembu Nkulukumba awaswiyamukela leswo, lweyo ani nandru hi kuda, hikusa angayentxi hi kulandra kupfumela. Hinkwaswu leswi aswiyentxaka na swiyalana ni kupfumela i xihono.

Va-Heberu 11:31

Hikupfumela, Rahabi nsati wa vumbuye anga fanga kun'we ni lava vaviki vakaneti, leswi angayamukela tinhloli tava Heberu.

Va-Heberu 11:33

Lava hi kupfumela, vangahlula mifumu, vayentxi vululami, kutani vakumi swidumbiso, vapfali minomu ya tindrawu,

Va-Heberu 11:6

Kambe a handle ka kupfumela, a swikoteki kutrhavisa Xikwembu Nkulukumba, hikusa swifanekela lweyi a trhindrekelaka ku Xikwembu Nkulukumba akholwa leswaku a kone, hi Yene ahakelaka lava vamudjulaka.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

Rm 3:28

Hitiyisa leswaku a mhunu a hlayiwa mululami hi kupfumela, handle ka mintiro ya nawu.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 4:6

Swanga hileswi na yene Davida akhensaka ku kateka ka mhunu lweyi Xikwembu Nkulukumba ximunyikaka kululama, na kunge hi mintiho:

Rm 9:19

N'winganibyela: Xana Yene aha solela yini? Hikusa hi mani lweyi angatiyiselaka kurandreni kwake?