Yakobe 1:4 - Testamente Ledrimpswha ni Mapsalma

⁴ Kambe akutiyisela akuve ni ntiro wa kuhetiseka, akuva n'wiva lava valulamiki hikuhetiseka na n'wingapfumali ntxhumu.

Yakobe 1:4 Referans Kwoze

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

Lk 21:19

Hi kutiyisela kwenu n'witahuluxa mahika yenu.

Mt 5:48

Kolahu-ke, vanani lava vahetisekiki, swanga hi Tatana wenu lweyi anga Matilweni ahetisekiki.

II Tmt 3:17

akuva a mutireli wa Xikwembu Nkulukumba ava lweyi ahetisekiki, abekiseliwa mintiro leminene hinkwayu.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

Gl 6:9

Hinga karaleni a kuyentxa leswi swinene, hikusa hitatrhovela hi nkama wa kone loko hingalolohi.

Yakobe 3:2

Hikusa ha hoxa hi swihoxo swinyingi hinkweru. Loko nha mun'we angahoxi hi maritu, i mhunu wa kuhetiseka, lweyi a kotaka kufuma miri yake hinkwayu.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

I Kor 2:6

Nambi swilitanu, hivulavula hi vutlhari amakari ka vhanu lava vawupfiki, angaliki vutlhari bya nkama lowu kumbe bya varangeli va nkama lowu lava vasuvaka,

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Mt 10:22

N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

II Ptr 1:9

Kambe lweyi leswo a ngeke na swone i wakufa mahlu, a vona ntsena leswi swinga kusuhi, a drivala kuhlampswiwa a swidoho swake swakhale.

Yohana 17:23

Mine ku vone na Wene ku mine, akuva lava vahetisekiki, vava mun'we, kutani misava mitativa leswaku hi Wene unirumiki, ni leswaku uvarandrile swanga hi leswi unirandrisiki xiswone.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Marka 10:21

Kambe Yesu amulavisa, amurandra, aku ku yene: I xin'we ntsena lexi upfumalaka xone; famba uyaxavisa hinkwaswu leswi unganaswu unyika a mali ku swisiwana, kutani utavani nhlengwe atilweni. Ntrhaku tana unilandra.

Mt 19:20

Kolahu a djaha driku: Hinkwaswu leswo niswibekisile nehe ntrongo, xana nahapfumala yini ke?

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.