Yakobe 1:22 - Testamente Ledrimpswha ni Mapsalma

²² Vanani vayentxi va Ritu, n'wivi vayingeli ntsena, n'witikanganyisa ha swenu.

Yakobe 1:22 Referans Kwoze

Rm 2:13

Hikusa avayingeli ntsena va nawu, a hi valulami mahlweni ka Xikwembu Nkulukumba, kambe ntsena lava vayentxaka leswi swileletiwaka hi nawu hi vone vatakahlayiwa valulami.

Yohana 13:17

Loko n'witiva leswo, n'wini ndjombo loko n'wiswiyentxa.

Yakobe 4:17

Kutani lweyo ni lweyo ativaka kuyentxa leswi swa hombe, ava angaswiyentxi, ku leswo ayentxa xidoho.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Va-le-Kolosa 3:17

Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

Yakobe 1:26

Loko apimisa leswaku i mhunu wa vukhongoti ngopfu, kambe loko angafumi lidrimi drakwe, akanganyisa mbilu yake, avukhongoti byake i bya mahala.

Gl 6:7

N'winga tikanganyisi: Xikwembu Nkulukumba angatlangisiwi; hikusa leswi mhunu aswibyaliki, atatrhovela swoleswo.

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.

Gl 6:3

Loko mhunu apimisa leswaku i xa ntxhumu nange wa ntxhumu, awa tikanganyisa ha vuswake.

I Kor 6:9

Kumbe xana an'wiswitivi leswaku a vayentxi va vubihi vangatida a pfindla dra Mfumu wa Xikwembu Nkulukumba? N'wingatikanganyiseni! Nambi vawoswani, nambi vagandreli va swikwembu swakuka-ndlela, nambi va vumbuye, nambi lava vatiyentxaka ingi i vavasati, nambi lava vatekanaka hi xinuna xavu kumbe hi xisati xavu,

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

I Yhn 1:8

Loko hiku ahina xidoho, ha kutikanganyisa, a xihlayelamfuri a xikone ku hine.

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

I Kor 15:33

N'wingakanganyisekeni! A kutolovelana ni lava vamfani swibolisa a swihena leswi swinene.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

II Ptr 2:13

na vayamukela a hakelo drakusomboloka kwavu. Vayanakanya leswaku i ndjombo kutinyoxisa a hlikanhini, i mabati-bati ni swisandru, vatinyoxela akukanganyiseni kwavu, loko vada na n'wine.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Kor 3:18

A mhunu angatxhuki atikanganyisa; loko mun'we amakari kwenu apimisa leswaku atlharihile amisaveni leyi, andruluke singe, akuva atava ntivi.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

Yakobe 4:11

Vamakweru n'wingakhaneleni kubiha van'we ku van'wana. Lweyi akhanelaka kubiha hi makwavu kumbe ayavanyisaka makwavu, akhanela kubiha hi Nawu, awayavanyisa. Kutani ke, loko uyavanyisa nawu, awumulavisi wa nawu, kambe umuyavanyisi.