Yakobe 1:17 - Testamente Ledrimpswha ni Mapsalma

¹⁷ Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Yakobe 1:17 Referans Kwoze

Yohana 3:27

Yohana ayangula, aku: A mhunu angaka angavina ntxhumu, loko angawunyikiwanga wupfa Tilweni.

Mt 7:11

Nambi n'wine n'winga vamfani n'witivaka a kunyika mintxhumu leminene ku vanenu, ngopfu Tatana wenu, lweyi anga Matilweni, atanyika leswi swinene ku lava vamukombelaka!

Va-Heberu 13:8

Yesu Kriste i mun'we, tolo, ni namuhla ni hi laha kungahelikiki.

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

I Yhn 1:5

Ke, hi ledri a ritu ledri hidriyingeliki ku N'wana hi n'wibyelaka drone, leswaku Xikwembu Nkulukumba i livaningo, ku Yene a kuna munyama ni kutrongo.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

I Kor 4:7

Hikusa hi mani lweyi akuhambanisaka ni van'wana, xana? Nakone una yini leswi unganyikiwangakiki? Mfuri leswi wekeyamukela ntsena, hayini-ke utitwalisa, swanga hi loko leswi unga naswu unganyikiwanga?

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Yohana 1:9

A livaningo dra xihlayelamfuri, ledri drivaningelaka vhanu hinkwavu, dritile amisaveni. Ledri drivaningelaka vhanu hinkwavu, dritile amisaveni

Mpfuletelo 21:23

Nawone muti awungadjuli dambu, kumbe hweti akuva swiva vaningela, hikusa akutwala ka Xikwembu Nkulukumba afa kuwuvaninga, na kone a Hambana i motre wa wone.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Mpfuletelo 22:5

Kolahu kungahativa ni vusiku, nambi kuva ni kuvilela kuvaninga ka motre, nambi kuvaninga ka Dambu. Hikusa Hosi Xikwembu Nkulukumba atavaninga henhleni kwavu, kutani vata fuma hi madzana ni madzana ya malembe.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

Va-le-Filipiya 1:29

Hikusa hinkonta ya Kriste n'winyikiwile, kunge hi kupfumela ku Yene ntsena, kambe na swone hi kuvaviseka ha Yene;

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.