Va-Heberu 1:3 - Testamente Ledrimpswha ni Mapsalma

³ Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Va-Heberu 1:3 Referans Kwoze

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Yohana 1:4

Ku drone afa kuli ni vutomi kutani vutomi afa byili kuvaninga ku vhanu.

Va-Heberu 10:12

Kambe Yesu loko ahumexi mhamba yin'we ntsena hinkonta ya swihono hi laha kungahelikiki, ali kuya trhamisa avokweni dra xinene dra Xikwembu Nkulukumba.

Yd 1:25

ku Xikwembu Nkulukumba lweyi anga mun'we, Muhuluxi weru, mahlweni ka Yesu Kriste, Hosi yeru, akuve lidrumu ni vukulu, ni ntamu ni vuhosi, na minkama hinkwayu minga sina tumbuluka, kusukela swoswi ni hi madzana-dzana ya malembe hinkwawu matakata. Amen!

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

Va-Heberu 4:14

Ke, leswi hinga na Yesu, n'wana wa Xikwembu Nkulukumba, swanga muprista lwenkulu, lweyi atremakanyiki matilo, ahitiyeni akupfumeleni kweru.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

II Ptr 1:16

A dondro leyi hi minyikiki henhla ka ntamu ni kubuya ka Hosi yeru Yesu Kriste, ayi tiseketelanga ha swihitana swavutlhari, kambe hine hi timboni tikulu ta yone hi kuswivona hi mahlu yeru.

I Ptr 3:22

lweyi anga xineneni xa Xikwembu Nkulukumba, ntrhaku ka loko atlhantukeli Matilweni, abekiki a hansi kwake a tintrumi, ni vuhosi, ni mintamu hinkwayu.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

Va-Heberu 8:1

A xalisima lexi hihlayiki xone hileswaku hinani muprista lwenkulu lweyi wa kutanu, lweyi atrhamisiki avokweni dra xinene dra xiluvelo xa vukulu bya le Matilweni,

Marka 16:19

Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

Va-Heberu 7:27

Lweyi swingadjulekiki akuva a nyikela switlhavelo masiku hinkwawu, swanga hi vaprista lava vakulu, hikusungula hikola ka swidoho swake, ntrhaku hikola ka swa switrhungu, hikusa a yentxi leswi kan'we ntsena hi kutinyiketa ha swake yiva mhamba.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Va-le-Kolosa 3:1

Hikolahu-ke leswi n'wipfuxiwiki kun'we na Kriste swoswi, djulisisani mintxhumu leyi minga ya le tilweni, lomu Kriste atrhamiki kone axitrhan'wini xa lidrumu xineneni xa Xikwembu Nkulukumba.

Rm 8:34

Hi mani lweyi atakavayavanyisa? I Kriste Yesu lweyi a fiki, kumbe xana, lweyi apfukiki kufeni, na kone anga vokweni dra xinene dra Xikwembu Nkulukumba mfuri a hi kombelelaka.

Mintiro Ya Vapostola 7:56

ahangaku: Lavisani! Nivona Matilo mapfulekiki, ni N'wana wa Mhunu ayimiki axineneni xa Xikwembu Nkulukumba!

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Va-Heberu 9:16

Hikusa laha kutraliwiki papela dra pfindla kone, swafanekela leswaku kufa ka mutrali wa drone kupaluxiwa.

Mt 22:24

Mudondrisi, Moxe ahibyeli leswaku loko a mhunu afa na angakumanga n'wana, a makwavu afanela kutekana ni mufelwa ava nkatakwe atapfuxela vana a makwavu lweyi afiki.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 1:13

Ke, hi yini kutintrumi asamiki ahlaya ni leswaku: Trhamisa xineneni xanga ni ko ni beka valala vaku a hansi ka minkondro yaku.

II Ptr 1:17

Hikusa Yene ayamukeli xihluwa ni lidrumu leswi swipfaka ku Xikwembu Nkulukumba Tatana, hi loko arumeliwile a ritu ledriya drakuphatima drakutlakuka hi le tilweni driku: lweyi i N'wananga lweyi arandrekaka, lweyi ni nga ni kutrhava kukulu ha Yene!