Tito 3:14 - Testamente Ledrimpswha ni Mapsalma

¹⁴ Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:14 Referans Kwoze

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Mt 7:19

A minsinya hinkwayu leyi mingahumexikiki mihandru leminene mitremiwa mitxukumetiwa andrilweni.

II Ptr 1:8

Hikusa leswo loko swili kone ku n'wine hi ntalu, ku n'wine swiyandra, swin'wiyentxa akuva n'wingavi lava valolohaka, nambi kuva n'wingabeki mihandru akutiveni ka Hosi yeru Yesu Kriste.

Va-le-Filipiya 4:17

A hileswaku ni djula swihanano, kambe ni navela leswaku miyengeseliwa a mhandru hinkonta yenu.

Ef 4:28

Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

II Tsl 3:8

ahidanga mahala kati dra wa kukari. Kambe hitiri hi kunonon'wa, vusiku ni nhlikanhi, akuva hinga bindreli ni mun'we wenu.

Mintiro Ya Vapostola 20:35

Nin'wikombisi hi tindlela hinkwatu leswaku kudjuleka hipfunisa xiswoswo, hi kutira, lava vangani gome, na kudrimukiwa a maritu ya Hosi Yesu, hikusa Yene, hi ntshima yake ate: Kukateka ngopfu a kuhanana, kutlula a kuyamukela.

Mt 21:19

Avona a nkuwa kusuhi ni ndlela, atrhindrekela ku wone, kambe angakumanga ntxhumu ku wone, loko mange makamba ntsena. Kutani aku: Ni kan'we ungahabeki mihandru! A nkuwa wuwoma xikan'we.

Mintiro Ya Vapostola 18:3

leswi afaka ali wa ntiro wa kufana ni wavu, atrhama na vone atira; hikusa a ntiro wavu afa wuli wa kuhamba a matende.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

Rm 15:28

Loko nitava ni bekisi mhaka leyi niva ni vanyiketa mihandru ya xikombelo, nita kongoma a Xipanya na nitaya vayendrela hi nkama lowo.

Rm 12:13

Yavelanani ni vapfumeli lava pfumalaka, yamukelani swinene a vayeni.

Va-le-Filipiya 4:16

Hikusa, loko nili swihano, n'wini rumeli tinyiko ku ni pfuna ku leswi ni swipfumalaka.

Tito 2:8

uvani ritu ledri dritiyiki, ledri dringafanekeliki kusoliwa, akuva a mukaneti avani tingana, angavina ntxhumu xa kubiha angaxihlayaka ha hine.