Tito 1:2 - Testamente Ledrimpswha ni Mapsalma

² akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Tito 1:2 Referans Kwoze

I Yhn 2:25

Lexi hixone xidumbiso lexi Yene ahidumbisiki, anga vutomi lebyingahelikiki.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

Yd 1:21

Miya mahlweni hi kuhanya alirandrwini dra Xikwembu Nkulukumba, na n'wilavisela lirere dra Hosi yeru Yesu Kriste, driyisaka vuton'wini lebyi byingahelikiki.

II Tmt 1:1

Pawulosi, mupostola wa Yesu Kriste hi kurandra ka Xikwembu Nkulukumba, hi xidumbiso xa vutomi lebyinga ku Kriste Yesu,

Tito 3:7

akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

II Tmt 2:15

Djulisisa kutivonekisa mahlweni ka Xikwembu Nkulukumba uva lweyi wa kukhenseka, a mutiri lweyi angeke na tingana, lweyi areraka ritu dra Xikwembu Nkulukumba hi kululama.

II Tmt 2:13

Loko hingapfumeli, yene atatrhama na adumbekile, hikuva angaswikoti kutilandrula Yene.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Tito 2:7

ku mintxhumu hinkwayu, na wene utikombisa swanga xikombiso amintirweni leminene; akudondriseni, vana lweyi angasolekiki mfuri afanekelaka hi xihluwa,

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

I Tmt 6:19

vatihlengeletela vukosi byinene, lebyi byinga masungulo lawa matiyiki ya minkama leyi mitaka, leswaku vatakuma a vutomi lebyi byinene.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Mintiro Ya Vapostola 15:18

leyi yinyikiki kutibyiwa mintxhumu leyi kusukela minkama ya khale.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 10:28

Nitinyika vutomi lebyi byingahelikiki; tingaka tingasuvi ni siku ni drin'we. Akuna mhunu lweyi atakatiwutla avokweni dranga.

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

Yohana 6:54

Lweyi adaka miri yanga ni kunwa ngati yanga, ani vutomi lebyi byingahelikiki; kutani mine nitamupfuxa hi siku dra vugamu.

Yohana 5:39

N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni.

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

I Tsl 2:15

vone lava mfuri vadlayiki Hosi Yesu ni vaprofeta, vahixanisile na hine, avatrhavisi Xikwembu Nkulukumba, i valala va vhanu hinkwavu.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Rm 5:4

a kutiyisela kuvanga kuhlula mindringweni, mfuri akuhlula ndringweni kuvanga kulavisela.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Rm 1:2

leyi kusunguleni ayidumbisiki hi vaprofeta vakwe amatralweni ya kuhlawuleka,

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Marka 10:30

yelweyo atayamukela leswi switlulaka ka dzana (100) swoswi amisaveni leyi, a tiyindlu ni vamakwavu va vaxinuna ni vaxisati, ni vamamana ni masimu, kun'we ni tinxanisa. Nakone atakuma a vutomi lebyi byingahelikiki ankameni lowu wutaka.

Marka 10:17

Kuti loko Yesu ahumi kone, akhoma a ndlela, mun'we mhunu atrutruma ata ku yene, akhisama, amuvutisa aku: Mudondrisi lweyi munene, xana nitayentxa yini akuva nitada a pfindla dra vutomi lebyi byingahelikiki?