Tito 1:15 - Testamente Ledrimpswha ni Mapsalma

¹⁵ Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.

Tito 1:15 Referans Kwoze

Rm 14:14

Swanga hi mupfumeli ku Hosi Yesu, naswitiva niva ni kholwa akuna ntxhumu lexi yilaka hi swa xone. Kambe, loko mun'wana ayanakanya leswaku a ntxhumu wa yila, wu ndruluka hakunene wa kuyila ku yene.

Rm 14:20

Ungahoni a ntiro wa Xikwembu Nkulukumba hinkonta ya swakuda. Kunga diwa hinkwaswu, kambe swi bihile kuda xa ntxhumu lexi yisaka van'wana kudoheni.

I Kor 10:23

Hinkwaswu swipfumelekile, kambe ahi hinkwaswu swipfunaka. Hinkwaswu swipfumelelekile, kambe ahi hinkwaswu swiyakaka.

Mt 15:18

Kambe leswi swihumaka anon'wini, swipfa mbilwini; hi swoleswo swinyamisaka mhunu.

Rm 14:23

Kambe, loko mhunu ali nikukanganyisa hi tlhelo dra leswi aswidaka, hikusa angaswitivi kumbe Xikwembu Nkulukumba awaswiyamukela leswo, lweyo ani nandru hi kuda, hikusa angayentxi hi kulandra kupfumela. Hinkwaswu leswi aswiyentxaka na swiyalana ni kupfumela i xihono.

I Kor 10:31

Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba.

Mintiro Ya Vapostola 10:15

A ritu dritlhela drimubyela driku: Leswi Xikwembu Nkulukumba aswibasisiki, wene ungahlayi leswaku swayila.

I Kor 8:7

Kambe a kutiva leswo akukumeki ku hinkwavu; hikusa van'we, hi kutolovela a swikwembu swakuka-ndlela kutlhasa ni swoswi, vada leswi swiphahleliwiki a swikwembu swakuka-ndlela, kutani lipfalu dravu, dringa dra gome, drinyamisiwa.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

I Kor 10:25

Danani hinkwaswu leswi swixavisiwaka amimbangwini ya vuxavisi, na n'wingavutisi ntxhumu hinkonta ya lipfalu,

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Va-Heberu 12:15

na n'witivona leswaku kungativa na mhunu lweyi atitronaka timpswalu ta Xikwembu Nkulukumba; mfuri kungavinamutru wa kubava wu milaka henhla, kutani wun'wipfilunganyisa, leswaku ha wone kuhoneka lavanyingi.