Rm 9:4 - Testamente Ledrimpswha ni Mapsalma

⁴ Vone va lixaka dra Israyele, lava swivafaneliki akuva vahlayiwa vana vakwe, na kone mfuri akutwala, ni xipfumelelanu na vone, ni kuva nyika nawu, vugandreli bya kuhlawuleka ni swidumbiso;

Rm 9:4 Referans Kwoze

Ef 2:12

ankameni lowo afa n'wingalina Kriste, afa n'witravukanisiwile ni tiko dra Israyele, afa n'wili lava vangativiwikiki ku xipfumelelanu xa xidumbiso, na n'wingalina kulavisela n'wingalina Xikwembu Nkulukumba misaveni.

Rm 9:6

Hinga yanakanyeni leswaku a xidumbiso xa Xikwembu Nkulukumba xidluvekile, hikusa ahi hinkwavu va tinxaka taka Israyele vanga tiko dra Israyele;

Mintiro Ya Vapostola 2:39

Hikusa a xidumbiso i xenu ni vana venu, ni hinkwavu lava vanga ku le, anga hinkwavu lava Hosi Xikwembu Nkulukumba weru atakavavitana.

Va-Heberu 9:1

A xipfumelelanu lexi xa kusungula na xone afa xi ni swileleto swa mintiro ya vugandreli ni xiluvelo xa kuhlawuleka kola misaveni.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Va-Heberu 9:10

leswi kun'we ni swakuda, ni swakunwa, ni mahlambela ya tinxaka-xaka, minga ntsena milawu ya vumhunu leyi mibekiwiki kutlhasa a nkama switaka ndrulutiwa hinkwaswu.

Va-Heberu 9:3

Hi ntrhaku ka kapulana dra vubiri, afa kuni ntronga wa Hosi, mbangu lowu valiki wakuxwengisisa.

Yohana 1:47

Yesu loko avona Nataniyele ata na amukongomile, kutani aku: Vonani a mu-Israyele wa xihlayelamfuri, lweyi kungekena kukanganyisa ku yene.

Mt 21:33

Yingelani xifaniso xin'wana: Afa kuni mhunu, wa n'winyi wa muti, afaka abyali livhinya; abiyela hi linhlampfu, akela ni khele dra kupfuvela mihandru, ava ayaka ni xihondro kone; abeka livhinya amandleni ya vadrimi, kutani ayendra.

Rm 3:2

I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba.

II Kor 11:22

N'wi va-Heberu? Na mine ni yene! N'wi va-Israyele? Na mine ni yene! N'wi vana va Abrahamu? Ni yene na mine!

Gl 3:16

Xileswo, swidumbiso swiyentxeliwi Abrahamu ni ku lixaka drakwe; swanga hi loko drili drinyingi. A tralwa adrihlayi, swanga hi loko kuva drin'we ntsena, kambe kuhlayiwa ni le lixakeni draku, anga Kriste.

Va-Heberu 9:5

A henhla ka areka, afa kuni makerubime ya kuphatima, hi timpapa ta wone afa mafukumeta mbangu wa vudrivalelo bya swidoho. Kambe swoswi ahi nkama wa kukhanela ngopfu hi timhaka leto.

Va-Heberu 9:6

Swoleswo-ke, loko swibekisiwi xiswoswo, a vaprista afa vanhingena hinkwawu nkama antrongeni wa kuranga, na vatira mintiro ya kuhlawuleka.