Rm 9:20 - Testamente Ledrimpswha ni Mapsalma

²⁰ U mani wene, we mhunu, kutengisana ni Xikwembu Nkulukumba? Xana i yini xakuvumbiwa, xingakotaka kuvutisa lweyi a xivumbiki xiku: Hikola kayini univumbisili xileswo xana?

Rm 9:20 Referans Kwoze

Mt 20:15

Kumbe xana anina mfanelo ya kuyentxa leswi niswidjulaka hi swanga xana? Kumbe unilavisa hi kubiha hi leswi ninga munene xana?

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

I Kor 1:20

Yi kwini a ntlhari? A kwini a mutrali? A kwini a muphikisi wa minkama leyi? Xikwembu Nkulukumba angayentxanga leswaku a vutlhari bya misava leyi byindruluka vusinge xana?

Yakobe 2:20

Waswidjula kupfumela, wene mhunu wa kuka ndlela leswaku, akupfumela loku ngeke na mintiro a kupfuni ntxhumu?

Tito 2:9

Tratriya swikarawa leswaku swiyingiseta a vinyi vaswone ku mintxhumu hinkwayu, swiva leswi switrhavisaka, na swingavi vakaneti;

Rm 2:1

Hi swoswi, wene lweyi ungavaka mani na mani, awunakutilandrula hi kuyavanyisa van'wana. Hi kuvayavanyisa wa tiyavanyisa ha vuswaku, hikusa uyentxa swakufana na vone.

I Kor 7:16

Hikuva, we' nsati, xana waswitiva leswaku kumbe utahuluxa a nuna waku? Na wene nuna, xana waswitiva leswaku utahuluxa nsati waku?

Lk 12:14

Kambe Yesu aku ku yene: Nakulori, xana i mani lweyi andribekiki kuva mutremi kumbe muyaveli wenu?

Rm 2:3

Wene mhunu, uyavanyisaka lava vayentxaka leswo, uyanakanya leswaku, wene u solaka lava vayentxaka mintiro leyo na u yentxaka kufana na vone, utahuluka a yavanyiso dra Xikwembu Nkulukumba?

Rm 9:21

Hikusa amuyentxi wa vumba ani mfanelo ya kuyentxa ha drone leswi aswirandraka. Awaswikota muvumbi kuhamba swibya swa lisima ni swin'wana swakuka swinge swalisima.

Rm 9:22

Hikolahu hina yini xakuxihlaya, loko Xikwembu Nkulukumba arandra kukombisa mahlundru yake ni kunyika kutiva ntamu wakwe! Yene akombisi kutiyisela kwake kunyingi ku lava afaka vafaneliwa hi swikhatiso swamatilo ni ku lava faka vafaneliwa hi kuhelisiwa,

Rm 14:4

U mani wene uyavanyisaka a nandra wa mun'wana? Ku hosi yake nambi ayimile, kumbi awa; kambe ata yima, hikusa a Hosi yini ntamu waku muyimisa.

II Tmt 2:20

Kambe andlwini ya lifuyu, akuna ni swibya swa gole ni silivhela ntsena, na kone swikone ni swibya swaku vatliwa ni swavumba; a swin'we swini ntiro wa lisima ni swin'wana ntiro lowu wutrongo.