Rm 9:11 - Testamente Ledrimpswha ni Mapsalma

¹¹ Kutani ni loko vana vangasangana pswaliwa, mfuri na vangasangana yentxa lexinene kumbe leximfani, akuva a kungu dra Xikwembu Nkulukumba ledri dringa hi kutilangela ka lweyi, dritiya dringapfi mintirweni, kambe dripfa kurandreni ka lweyi angava vitana,

Rm 9:11 Referans Kwoze

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Ptr 1:10

Hileswo-ke, vamakweru, hundrisani a kukhinyela ngopfu, kutiyisa vitaniwo ni hlawuliwo drenu; hikusa loko n'wiyentxisa xileswo, n'wingati khunguvanyeka ni kan'we.

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

Rm 4:17

swanga hi leswi kutraliwiki: Nikuyentxi kuva tatana wa matiko lawa manyingi a mahlweni ka lweyi apfumeliki ku Yene, Xikwembu Nkulukumba lweyi a hanyisaka vafi na ayentxa miva kone a mintxhumu leyi mingeke kone.

Ef 2:9

akavanga hi mintiro; akuva kungali na lweyi atakatitwalisa ha swone.

I Tsl 1:4

hileswi hi tivaka, vamakweru, leswaku akuhlawuliwa kwenu kupfa ku Xikwembu Nkulukumba.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.