Rm 8:30 - Testamente Ledrimpswha ni Mapsalma

³⁰ Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

Rm 8:30 Referans Kwoze

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

Ef 1:11

Ni le ku Yene lweyi hingayentxa pfindla, hikuva hi bekisiwile hi makungu ya lweyi ayentxaka mintxhumu hinkwayu hinkonta ya kulandra kurandra kwake.

Va-Heberu 9:15

Hileswo-ke, Yene i mutlhanganisi wa xipfumelelanu lexi ximpswha, akuva a kufa loko, kuhumeleli kutirula swidoho leswinga tumbuluka hansi ka xipfumelelanwini lexi xa kusungula, lava vitaniwiki vanyikiwa leswi xidumbiso xa kuda pfindla ledri dringahelikiki.

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

Yohana 17:22

Nivanyiki kutwala loku uninyikiki kone, leswaku vava mun'we swanga ha hine hinga mun'we:

II Ptr 1:10

Hileswo-ke, vamakweru, hundrisani a kukhinyela ngopfu, kutiyisa vitaniwo ni hlawuliwo drenu; hikusa loko n'wiyentxisa xileswo, n'wingati khunguvanyeka ni kan'we.

I Kor 1:9

Xikwembu Nkulukumba awadumbeka, lweyi ha Yene n'wivitaniweliki kuva kun'we ni N'wanakwe Yesu Kriste, Hosi yeru.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Kor 1:2

ku Kereke dra Xikwembu Nkulukumba ledri dringa Korinto, lava vaxwengisiwiki ku Kriste Yesu, vavitaneliwiki kuva vahlawuleki, ni hinkwavu, lava mimbangwini hinkwayu vakhongotaka a vito dra Yesu Kriste, Hosi yavu ni yeru.

II Tmt 2:11

Aritu ledri dritiyile ledri driliki: Loko hi fi kun'we na Yene, na kone hita hanya kun'we na Yene.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

Va-le-Kolosa 3:4

Loko Kriste inga vutomi byenu, ativonekisa, kutani na n'wine n'witavonekisiwa kun'we na yene a kuphatimeni kwake.

Ef 4:4

Kuni miri min'we ni moya mun'we, swanga hileswi n'wivitaneliwiki akulaviseleni kun'we ntsena, ka kuhlawuliwa kwenu.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Ef 2:6

hikusa, kun'we na Yene, ahipfuxi akufeni, a hiyentxi hitrhama ku Kriste Yesu amimbangwini ya matilo.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 1:6

Ku n'wine lava vanga Roma n'wikumeka ntlaweni lowo wa lava vavitaniwiki kuva va Yesu Kriste.

Rm 8:21

hikulavisela kaleswi swaku yone misava, siku drin'wana mita ntrhunxiwa vukaraweni ni le kuhahluliweni, akuva mitrhunxeliwa kuphatimeni ka vana va Xikwembu Nkulukumba.

Rm 11:29

Hikusa Xikwembu Nkulukumba asusi leswi aswi nyikaka nambi kuhlawula leswi swiyentxaka.

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

Gl 1:6

Nahlamala ngopfu hikusa n'wihangwesi kuyini akutrika lweyi a n'wivitaniki hi lirandru dra Kriste, n'wilandra yin'wana Ivangeli, ya kuhambana.

Gl 1:15

Kambe loko lweyi anganihlawula na ningasina pswaliwa, anivitanile hi timpswalu;

Gl 5:8

Akukholwisa loku, kuhuma ku Yene, lweyi angan'wivitana.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.