Rm 8:26 - Testamente Ledrimpswha ni Mapsalma

²⁶ Hiswoleswo na wone Moya wa hipfunisa a gomeni dreru, hikusa ahitivi kukhongota hilaha swifaneliki, kambe a Moya hi ntshima wu hi kombelela hi minkonyo leyi mingeke na kutlhamuxeliwa.

Rm 8:26 Referans Kwoze

Mt 10:20

Hikusa ahi n'wine n'witakakhanela, kambe wutava Moya wa Tatana wenu lowu wunga ku n'wine.

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Yohana 14:16

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki,

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.

Yakobe 4:3

N'wakombela n'wingayamukelisiwi, hi leswi n'wikombelaka hi kubiha, akuva n'wiswihangalasa akunyoxeni kwenu.

Rm 15:1

Hine lava hitiyiki akupfumeleni hifanela kubyatrha lava kutrana lava ngeke swanga ha hine, na hinga djuli leswinga hi nyoxisaka.

Lk 22:44

Kuti loko ali kuvavisekeni loku kulu, atshimisisa kukhongota, lakakuva ni nyuku wakwe wuva wufana ni mantrhonsi ya ngati lawa mathonelaka misaveni.]

II Kor 5:4

Kunene, hine lava hahaliki ntrongeni lowu, hakonya, hikamiwa, swinge leswaku hinavela kuhliviliwa wone, kambe hi navela kuyambexiwa, akuva lowu wa kufa wu mitiwa mfuri hi vutomi.

II Kor 5:2

Hikola ka leswo, andlwini leyi ha konya, na hinavela ngopfu kuyambexiwa hi Yindlu yeru ya le tilweni.

Mt 20:22

Yesu ayangula aku: An'wiswitivi leswi n'wikombelaka swone. Xana n'wingaswikota a kunwa a ntrheko lowu ninga kusuhi ni kuwunwa? Vone vaku: Im'na hingaswikota!

Va-Heberu 5:2

Awa swikota kuyentxela vurombe lava kohlekaka ni lava hoxiki, leswi na Yene atrandreliwiki hi gome.

Rm 7:24

Nitihlaya mhunu wa khombo! Xana i mani lweyi ataka nintrhunxa mirini leyi miniyisaka kufeni?