Rm 8:14 - Testamente Ledrimpswha ni Mapsalma

¹⁴ Hinkwavu lava fambisiwaka hi Moya wa Xikwembu Nkulukumba, i vana va Xikwembu Nkulukumba.

Rm 8:14 Referans Kwoze

Gl 5:18

Kambe loko n'wifambisiwa hi Moya, an'wehe hansi ka nawu.

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Rm 8:5

Hikusa lava vatinyiketaka ka nyama vayanakanya mintxhumu ya nyama, kambe lava vatinyiketaka ka Moya, vayanakanya swa Moya.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

Rm 9:8

Leswi swidjula kuhlaya leswaku ahi vana va Xikwembu Nkulukumba lava pswaliwaka hi nyama, kambe ntsena lava pswaliwaka hi kulandra xidumbiso lava vahlayiwaka lixaka.

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

Rm 9:26

Ni mbangu lowu nivabyeliki niku: N'wine an'witiko dranga, lahu n'witahlayiwa vana va Xikwembu Nkulukumba lweyi a hanyaka.

Mt 5:9

Vakatekile a valulami, hikusa vatatxhuliwa vana va Xikwembu Nkulukumba!

Gl 4:5

akuva atirula lava afaka vali hansi ka nawu, leswaku hi yentxiwa vana.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.