Rm 8:13 - Testamente Ledrimpswha ni Mapsalma

¹³ Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 8:13 Referans Kwoze

Gl 6:8

Hikusa lweyi a byalaka leswi nyoxisaka a nyama yake, ata trhovela swa nyama, kambe lweyi abyalelaka a Moya, ku Moya atatrhovela vutomi lebyingahelikiki.

I Ptr 2:11

Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Rm 7:5

Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

Ef 5:18

N'winga popsweni hi vhinyo, hikusa drivanga timholova, kambe titatani hi Moya,

Rm 6:21

Hi nkameni wolowo, xana afa n'wikuma mihandru muni? Kasi i mintxhumu leyi swoswi yi n'wikhomisaka tingana ntsena; hikusa avugamu bya swone i lifu.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 8:12

Xileswo vamakweru, ahina nandru kunyama, wakuva hi hanya hi nyama.