Rm 7:6 - Testamente Ledrimpswha ni Mapsalma

⁶ Kambe swoswi hintrhunxekile ku nawu, hifile ku lexi afaka xi hiyentxa swanga swikarawa. Xileswi, haswikota kutirela Xikwembu Nkulukumba hi ndlela leyimpswha, hi kulandra Moya, na kunge hi ndlela ya letela.

Rm 7:6 Referans Kwoze

II Kor 3:6

lweyi ahinyikiki ntamu wa kuva vatireli va xipfumelelanu lexi ximpswha, na inge xipfumelelanu xa nawu wa kutraliwa, kambe xa Moya; hikusa a nawu wa kutraliwa wadlaya, kambe a Moya wahanyisa.

Rm 7:4

Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Va-le-Kolosa 3:10

Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki;

Gl 6:15

Akuva ni soka kumbe ni nga soki, aswipfuni ntxhumu; swipfuna kuva ni vutomi lebyi byimpswha.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Rm 7:1

Xana an'wiswitivi vamakweru, (nikhanela ni lava vativaka nawu) leswaku a nawu ntsena wuni ntamu henhla ka mhunu, loko lweyi aha hanya?

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Rm 6:19

Nikhanela hi ndlela ya vumhunu hinkonta ya gome dra nyama yenu. Swanga hi leswi n'winyiketiki miri yenu akuva miva swikarawa swavusomboloki ni vubihi akutireleni ka swakubiha, Ke swoswi, nyiketani miri yenu akuva n'witirela vululami akuva n'wixwengisiwa

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Rm 1:9

Hikuva Xikwembu Nkulukumba lweyi nimutirelaka a moyeni wanga ku Ivangeli ya n'wana'kwe, i mboni yanga ya leswi swaku minkama hinkwayu nan'widrimuka.

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

Rm 7:2

Xileswi, a wansati lweyi a tekiwiki atlhanganisiwi ni nuna wakwe hi ntamu wa nawu, loko nuna aha hanya; Kambe, loko nuna a fa, a nsati antrhunxekile ku nawu lowo wa vukati.

Ef 4:24

na kone n'witiyambexa mhunu lweyi mumpswha, lweyi a vumbiwiki hi xifaniso xa Xikwembu Nkulukumba, a vumbiwiki a xihlayelamfurini, kululameni, ni le kuhlawulekeni.