Rm 7:5 - Testamente Ledrimpswha ni Mapsalma

⁵ Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

Rm 7:5 Referans Kwoze

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Gl 3:10

Lava vangahansi ka nawu wa Moxe va le hansi ka kuruketeliwa, hikusa kutraliwi: Kurukiwa lweyi angalondrisikiki hinkwaswu leswi traliwiki bukwini dra Nawu, akuva aswiyentxa.

Rm 6:13

N'winganyiketeni xidohweni swiro swamiri yenu swanga switiro swavubihi; kambe tinyiketani ku Xikwembu Nkulukumba, swanga hi vhanu lava vapfukaka kufeni, miri yenu ku Xikwembu Nkulukumba, swanga switiro swakululama.

Rm 6:21

Hi nkameni wolowo, xana afa n'wikuma mihandru muni? Kasi i mintxhumu leyi swoswi yi n'wikhomisaka tingana ntsena; hikusa avugamu bya swone i lifu.

I Yhn 3:4

Lweyo ni lweyo ayentxaka xidoho na swone atlula nawu, hikusa a xidoho i kutlula nawu.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

I Kor 15:56

Akuxanisa ka lifu i xidoho, ni ntamu wa xidoho i nawu.

Yakobe 4:1

Kuhuma kwini a kulwa ni kukanetana, loku kunga makari kwenu xana? A kuhumi kunaveleni ka kutinyoxisa loku kupfuxaka kulwa a nyameni yenu?

Yakobe 1:15

Kutani akunavela ka kubiha kukumi khuri kupswala xidoho ni xidoho, xiku xa hetisiwa xipswala kufa.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Ef 2:11

Kutani drimukani-ke, leswaku, akhale afa nw'ili va matiko hi nyama, n'wivitiwa lava vangasokangakiki, hi lava vatihlayaka leswaku vasokiwile anyameni, hi mavoko ya vhanu,

Rm 7:23

kambe nivona leswaku amirini yanga kuni wun'wanyana nawu lowu wulwetanaka ni nawu wa vutlhari byanga. Hi swoleswo swiniyentxaka mubohiwa wa nawu wa xidoho lexi xinga mirini yanga.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 6:19

Nikhanela hi ndlela ya vumhunu hinkonta ya gome dra nyama yenu. Swanga hi leswi n'winyiketiki miri yenu akuva miva swikarawa swavusomboloki ni vubihi akutireleni ka swakubiha, Ke swoswi, nyiketani miri yenu akuva n'witirela vululami akuva n'wixwengisiwa

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

Rm 4:15

Hikusa a nawu wu koka mahlundru, kambe ni laha ku ngeke na nawu akuna kutlula nawu.

Rm 3:20

Hileswo-ke, akuna mhunu lweyi atakahlayiwa mululami amahlweni ka Xikwembu Nkulukumba hikola ka nawu, Hikusa hi nawu kutibyiwa swidoho.

Rm 1:26

Xileswo, Xikwembu Nkulukumba avatrikeli akunaveleni ka swatingana, hikusa nambi hi vavasati vavu vandruluta ntwanano wa ntumbuluku hi ntwanano wa kuhambana ni wa ntumbuluku.

Yohana 3:6

Leswi swipswaliwaka hi nyama i nyama; kambe leswi pswaliwaka hi moya i moya.

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

II Kor 10:3

Hikusa, nambi loko hi fambi hi nyama, kambe ahi lwi hi nyama.