Rm 7:25 - Testamente Ledrimpswha ni Mapsalma

²⁵ Ninyika lidrumu Xikwembu Nkulukumba hinkonta ya Hosi yeru Yesu Kriste, leswi ninga hi ntshima ni tirelaka Xikwembu Nkulukumba ni vutlhari byanga, nambi loko nili hansi ka nawu wa xidoho, ni ntumbuluku wanga wa vumhunu.

Rm 7:25 Referans Kwoze

Va-le-Kolosa 3:17

Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Kor 15:57

Kambe kutlangeliwa Xikwembu Nkulukumba lweyi ahinyikaka a kuhlula hi Hosi yeru Yesu Kriste!

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

II Kor 9:15

Hitlangela Xikwembu Nkulukumba hi lirandru ledringeke na kufananisiwa.

Mt 1:21

Maria atava ni n'wana wa wandrisanyana, wene utamutxhula a vito dra Yesu, hikusa hi yene atakahuluxa tiko drakwe aswihonweni swa drone.

Va-le-Filipiya 4:6

N'winga hlatiyeleni ntxhumu, kambe atimhakeni hinkwato akukombela kwenu aku tibyiwe hi Xikwembu Nkulukumba, hi kukhongota ni kukombela ni kutlangela.

Ef 5:20

Tlangelani Xikwembu Nkulukumba, Tatana weru hi minkama hinkwayu, hikola ka hinkwaswu, hi vito dra Hosi yeru Yesu Kriste.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.