Rm 6:12 - Testamente Ledrimpswha ni Mapsalma

¹² Hileswo-ke, a xidoho xingatxhuki xifuma amirini yenu leyi mifaka, akuva n'wixiyingiseta akunaveleni ka xone.

Rm 6:12 Referans Kwoze

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

Rm 6:16

N'wine n'waswitiva leswaku, lweyi n'witinyiketaka ku yene swanga switiri akuva n'wimuyingiseta, ku yelweyo n'wimuyingisetaka n'wiswitiri swake, kumbe swa xidoho lexi xiyisaka ku feni, kumbe akuyingiseteni loko kutisaka kululama.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

II Kor 4:11

Hikusa hine hihanyaka, hinyiketiwa kufeni nkama hinkwawu hinkonta ya Yesu, akuva na kone a vutomi byake byitikombisa amirini yeru leyi mifaka.

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

I Ptr 2:11

Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Yd 1:18

Afa va n'wibyela vaku: Ankameni wa vugamu kutava ni vhanu lava taka kanganyisa van'wana, lava vatakafamba hi kunavela kwavu.

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Tsl 4:5

Kunge hi kunavela ka swakubiha, swanga hi va-Matiko, lava vangativikiki Xikwembu Nkulukumba.

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Rm 8:11

Hakunene loko n'wili ni Moya wa lweyi angapfuxa Yesu aku feni, yelweyi kunene a pfuxiki Kriste Yesu aku feni atahanyisa miri yenu leyi mi faka, hinkonta ya Moya wakwe lowu trhamaka ku n'wine.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Yd 1:16

Lava hi lava n'unun'utelaka, lava hlatiyelaka hi kunavela kwavu, a milomu yavu mivulavula mandrendre, na vatiyentxa lava randrekaka ku van'wana kambe ntsena kuli kutidjulela swavu.

II Kor 5:4

Kunene, hine lava hahaliki ntrongeni lowu, hakonya, hikamiwa, swinge leswaku hinavela kuhliviliwa wone, kambe hi navela kuyambexiwa, akuva lowu wa kufa wu mitiwa mfuri hi vutomi.