Rm 5:8 - Testamente Ledrimpswha ni Mapsalma

⁸ Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Rm 5:8 Referans Kwoze

Yohana 15:13

Akuna mhunu lweyi angani lirandru ledri dritlulaka ledri: dra loko mhunu anyikela vutomi byake hikola ka vanakulobye.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Rm 5:6

Hikusa Kriste, a nkama hine afaka hini gome, afeli vadohi hi nkama wa kone.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

I Tmt 1:16

Kambe hikola ka leswo, niyentxeliwi lirere akuva Yesu Kriste akombisa ha mine ninga lwenkulu, a kulehisa hinkwaku ka mbilu, swiva xikombiso ku lava afaka vatakapfumela ku yene, akuva vakuma vutomi lebyi byingahelikiki.

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

Rm 3:5

Kambe loko akukala kudumbeka kweru kubuyisa kuvaninga ka kudumbeka ka Xikwembu Nkulukumba, hi hlaya yini? Xana Xikwembu Nkulukumba atava mubihi loko ahi khatisa?

Rm 5:7

Afa swinga nonon'hwa ngopfu akuva mhunu a fela lweyi wa kululama. Hakunene, a mhunu angenakuswikota kunyiketa vutomi hi mhunu lweyi munene.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Rm 8:39

nambi swakuva swa mintamu leyi mitlakukiki, nambi swakuva leswi swiyetiki. Akuna ntxhumu nambi ni mhunu lweyi a nga kotaka kuhi travukanyisa ni lirandru dra Xikwembu Nkulukumba, ahinyikiki ku dri tiva hi Hosi yeru Yesu Kriste.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Va-Heberu 8:3

Hikusa a muprista lwenkulu wini ni wini abekiwa akuva ahumexa timhamba ni switlhavelo; hileswo-ke, afa swifanelile leswaku yelwi ava ni xantxhumu xa kuhumexa.