Rm 5:19 - Testamente Ledrimpswha ni Mapsalma

¹⁹ Hakuva hikutiyalisa ka mhunu mun'we ntsena, hinkwavu vandruluki vadohi, swanga hi kuyingiseta ka mun'we ntsena, hinkwavu vandruluki lava vanene.

Rm 5:19 Referans Kwoze

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Rm 5:18

Xileswo, Swanga hileswi ha xidoho xin'we ntsena, xitisiki a tremo henhla ka vhanu hinkwavu akuva vayavanyisiwa, xiswoswo kambe, hinkonta ya xiyentxo xin'we xakululama kuxikile timpswalu henhla ka vhanu hinkwavu akuva vava ni kululama loku kunyikaka vutomi.

Va-le-Filipiya 2:8

Kutani, leswi akumekiki na a fana ni mhunu, atitrongohata ha vuswake, ayingiseta akuyatlhasa kufeni, ni lifu dra xihambano.

Rm 5:12

Kutani, swanga hi leswi ha mhunu mun'we ntsena kunhingeniki xidoho misaveni, hikola ka xidoho kuti a lifu; hi swoleswo na kone a kufa kunhingenile ku vhanu hinkwavu, hikusa hinkwavu vadohile.

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Rm 5:15

Kambe, akuna kudringanisiwa nyiko ya timpswalu ni kutlula nawu, ke, hi kudoha ka mun'we vanyingi vafile, ngopfu-ngopfu a timpswalu ta Xikwembu Nkulukumba, ni nyiko leyi yinga timpswalwini ta mhunu mun'we, Yesu Kriste, i nyiko yikulu ngopfu ku lava vanyingi.

Rm 11:32

Hileswo-ke, Xikwembu Nkulukumba ayentxi leswaku hinkwavu vandruluka vabohiwa va kutiyalisa, leswaku atakombisa ku vone hinkwavu kutretrelela kwake.