Rm 5:17 - Testamente Ledrimpswha ni Mapsalma

¹⁷ Kutani, loko kuvi hi xidoho xa mun'we, ni leswaku hi xidoho xa mun'we a lifu dri fumile, kambe ngopfu-ngopfu ku lava va yamukelaka a timpswalu hi ntalo ni nyiko leyi ya kululama vatafuma vuton'wini ha mun'we, anga Yesu Kriste.

Rm 5:17 Referans Kwoze

Rm 5:12

Kutani, swanga hi leswi ha mhunu mun'we ntsena kunhingeniki xidoho misaveni, hikola ka xidoho kuti a lifu; hi swoleswo na kone a kufa kunhingenile ku vhanu hinkwavu, hikusa hinkwavu vadohile.

I Kor 15:49

Swanga hi leswi hiyambaliki a xifaniso xa lweyi wa misava, xiswoswo hitayambala a xifaniso xa lweyi wa tilo.

Yohana 10:10

A muyivi atela kuyiva ntsena, ni kutlhava, ni kudlaya. Mine nitile leswaku tihamba tanga tivani vutomi, tibyikuma hi ntalo.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Mpfuletelo 22:5

Kolahu kungahativa ni vusiku, nambi kuva ni kuvilela kuvaninga ka motre, nambi kuvaninga ka Dambu. Hikusa Hosi Xikwembu Nkulukumba atavaninga henhleni kwavu, kutani vata fuma hi madzana ni madzana ya malembe.

Mpfuletelo 20:6

Akatekile nakone ahlawulekile, lweyi angani xiyenge akupfukeni ka vafi loko ka kusungula, ku volavo a kufa ka vubiri akuna ntamu henhla kwavu. Vatava vaprista va Xikwembu Nkulukumba ni va ka Kriste, kutani vata fuma na Yene ha khume dra madzana (1000) ya malembe.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

Mpfuletelo 1:6

mfuri ahiyentxiki mfumu ni vaprista, na ayentxela Xikwembu Nkulukumba, Tatana wakwe, ku Yene, a lidrumu ni vufumi hi madzana-ni-madzana ya malembe. Amen.

I Kor 4:8

N'wine swoswi n'wixurile, n'wi swipfundri, na n'wingana hine, n'wifumile; mawaku loko ingi ha kunene n'wingafuma, akuva na hine hitafuma kun'we na n'wine!

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Rm 8:39

nambi swakuva swa mintamu leyi mitlakukiki, nambi swakuva leswi swiyetiki. Akuna ntxhumu nambi ni mhunu lweyi a nga kotaka kuhi travukanyisa ni lirandru dra Xikwembu Nkulukumba, ahinyikiki ku dri tiva hi Hosi yeru Yesu Kriste.

Rm 5:15

Kambe, akuna kudringanisiwa nyiko ya timpswalu ni kutlula nawu, ke, hi kudoha ka mun'we vanyingi vafile, ngopfu-ngopfu a timpswalu ta Xikwembu Nkulukumba, ni nyiko leyi yinga timpswalwini ta mhunu mun'we, Yesu Kriste, i nyiko yikulu ngopfu ku lava vanyingi.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.